Diabetes Tips : डायबिटीजच्या रुग्णांना नैसर्गिकरित्या मिळेल इन्सुलिन, फक्त खा ही 6 प्रकारची पानं

कढीपत्ता : कढीपत्त्यातील फायबर पचनक्रिया मंदावते, ज्यामुळे साखरेची पातळी नियंत्रित ठेवण्यास मदत होते आणि इन्सुलिन देखील वाढते. मधुमेहींनी रोज सकाळी 10 पाने चावून खावी किंवा कढीपत्त्याचा रस प्यावा.

अश्वगंधा : या पानांच्या मदतीने ब्लड शुगर नियंत्रित केली जाऊ शकते, ही पानं उन्हात सुकवून नंतर बारीक करा आणि त्याची पावडर बनवा. कोमट पाण्यात हे पावडर टाकून पिणे डायबिटीजसाठी फायदेशीर ठरेल.

कडुलिंब : मधुमेहामध्ये रक्तातील साखरेची पातळी नियंत्रणात करण्यासाठी रोज सकाळी कडुनिंबाची पाने चघळायला सुरुवात करावी. याशिवाय त्याचा रस काढून प्यायल्यासही ते फायदेशीर ठरते.

मेथी : मेथीच्या पानांमध्ये अनेक आयुर्वेदिक गुणधर्म असतात. मेथीची पानं आणि मेथीचे दाणे हे दोन्हीही मधुमेहींसाठी खूप फायदेशीर असते. ते रक्तातील साखरेची पातळी कमी करण्यात मदत करतात.

ओरिगॅनो : ओरिगॅनोची पानं अधिक इंसुलिन बनवण्यासाठी मदत करते, गोड खाण्याची इच्छाही कमी करते आणि रोगप्रतिकारशक्ती वाढवते.

आंबा : आंब्याच्या पानांमध्ये फायबर, व्हिटॅमिन सी आणि पेक्टिन असते, ज्यामुळे ते रक्तातील साखरेची पातळी कमी करू शकतात. आंब्याची पानं पाण्यात उकळवा. हे पाणी रात्रभर तसेच राहू द्या आणि सकाळी गाळून प्या.

आफ्रिकन बिटर लीफ : आफ्रिकन कडू पानांच्या मदतीने रक्तातील साखरेची पातळी कमी होण्यास मदत होते, असेही एका संशोधनात सांगितले गेले आहे.