या देशांमध्ये गर्भपात करूच दिला जात नाही; Rape झाल्यावरही नाईलाजानं मुलांना द्यावा लागतो जन्म
भारत सरकारने अलिकडेच गर्भपात नियमांमध्ये (abortion rules) बदल केले आहेत. पूर्वी जिथे महिलांना 5 महिन्यांमध्ये गर्भपात (abortion) करता येत होता, आता तो काही प्रकरणांमध्ये वाढवून 6 महिने करण्यात आला आहे. पण तुम्हाला माहीत आहे का, की जगात असे काही देश आहेत जिथे गर्भपात करणं खूप कठीण काम आहे. या काही देशांमध्ये जर गर्भपात विहित मर्यादेच्या बाहेर केला गेला तर महिलेला वर्षानुवर्षे तुरुंगात टाकले जाते. आज आम्ही तुम्हाला जगातील अशाच काही देशांबद्दल सांगणार आहोत, जिथे गर्भपाताबाबत अत्यंत कडक नियम बनवण्यात आले आहेत.
1/ 10
2015 मध्ये प्यू रिसर्च सेंटर अॅनालिसिसने एक अहवाल जारी केला होता. त्यामध्ये जगातील कोणत्या देशांमध्ये गर्भपात करणे फार कठीण आहे, हे सांगितले गेले. गर्भपात केलाच तर त्याला सरळ गुन्हा ठरवले जाते. डोमिनिकन रिपब्लिक, अल साल्वाडोर, निकाराग्वा, व्हॅटिकन सिटी आणि माल्टा यासारख्या देशांमध्ये कोणत्याही परिस्थितीत गर्भपाताला परवानगी नाही, असे या अहवालात सांगण्यात आलं आहे.
