OMG! फक्त एक चमचा CORONAVIRUS पडला भारी; संपूर्ण जगाची वाट लावली

जगभरात सध्या कोरोनाव्हायरसचे 5 कोटी 60 लाखांपेक्षा अधिक रुग्ण आहेत. मात्र इतक्या लोकांना संक्रमित करणारा कोरोनाव्हायरस फक्त एका चमच्यावर मावेल इतकाच आहे. हे वाचून तुम्हाला आश्चर्य वाटेल.

कोरोनाव्हायरस उघड्या डोळ्यांना दिसत नाही हे आपणा सर्वांना माहिती आहे. अदृश्य असलेला हा कोरोनाव्हायरस जगभर थैमान घालतो आहे. त्यामुळे जगभरात नेमकं कोरोनाव्हायरसचं प्रमाण किती आहे, याचा अभ्यास करण्यात आला.

ऑस्ट्रेलियातील गणित तज्ज्ञ मॅट पार्कर  (Matt Parker)  यांनी एक फॉर्म्युला तयार केला आणि त्यानुसार जगातील कोरोनाव्हायरसचं प्रमाण मोजलं.

माहितीनुसार,  मानवी पेशीचा आकार जवळपास 100 मायक्रोमीटर म्हणजे आपल्या डोक्यावरील केसांच्या आकाराच्या एक चतुर्थांश असतो आणि कोरोनाव्हायरसपेक्षा 10 लाख पटीनं अधिक आहे. यावरून कोरोनाव्हायरसच्या आकारचा अंदाजा येईलच.

पार्कर यांनी सर्वात आधी शरीरात किती प्रमाणात कोरोनाव्हायरस असल्यास ती व्यक्ती संक्रमित होती हे तपासलं. त्यानंतर फॉर्म्युल्यानुसार त्यांनी संपूर्ण जगात किती कोरोनाव्हायरस आहे याची गणना केली.

संपूर्ण जगात जवळपास 8 मिली लीटर कोरोनाव्हायरस आहे. एका चमच्याची क्षमता जवळपास 6 मिलीलीटर असते. याचा अर्थ जगभरातील कोरोनाव्हायरस एका चमच्यावर सामावेल इतकाच आहे.