Corona vaccination मध्ये मोठा बदल; कोरोना लस घेण्यापूर्वी जरूर वाचा नवे नियम

सुरुवातीला आरोग्य कर्मचारी, फ्रंटलाइन वर्कर्स त्यानंतर वयोवृद्ध नागरिक आणि इतर आजार असलेल्यांना नागरिकांना आणि आता 18 नागरिकांसाठी कोरोना लस उपलब्ध करण्यात आली आहे. त्यामुळे लसीकरणाबाबत नव्या मार्गदर्शक सूचना जारी करण्यात आल्या आहेत.

कोरोना लसीकरणासाठी गठीत करण्यात आलेल्या NEGVAC (National Expert Group on Vaccine Administration) या समितीने केंद्राकडे नव्या मार्गदर्शक सूचना सोपवल्या. या सूचना केंद्रीय आरोग्य मंत्रालयाने मान्य केल्या आहेत.

ज्यांनी लॅब टेस्ट कोरोना पॉझिटिव्ह आली आहे. त्यांनी कोरोनातून बरं झाल्यानंतर 3 महिन्यांनी लस घ्यावी.

ज्या कोरोना रुग्णांना प्लाझ्मा थेरेपी देण्यात आली आहे, त्यांनी रुग्णालयातून डिस्चार्ज मिळाल्यानंतर 3 महिन्यांनी कोरोना लस घ्यावी.

ज्यांना कोरोना लशीचा पहिला डोस घेतल्यानंतर कोरोना झाला त्यांनी बरं झाल्यानंतर तीन महिन्यांनी दुसरा डोस घ्यावा.

इतर गंभीर आजार असलेल्या, रुग्णालयात किंवा आयसीयूमध्ये दाखल झालेल्या रुग्णांनी 4 ते 8 आठवडे लशीची प्रतीक्षा करावी.

कोरोना लस घेतल्यानंतर किंवा आरटी-पीसीआर टेस्ट निगेटिव्ह आल्यानंतर 14 दिवसांनी तुम्ही रक्तदान करू शकता.

ब्रेस्टफिडिंग करणाऱ्या सर्व महिलांना कोरोना लस घेता येईल.

लसीकरणापूर्वी  लस घेणाऱ्या व्यक्तीची रॅपिड अँटिजेन टेस्ट करण्याची गरज नाही.