साधा सर्दी-खोकला ताप FLU पासून करतो बचाव; संशोधकांचा दावा

कोरोनाव्हायरसची लक्षणं फ्लूसारखीच आहेत. त्यामुळे लोकांना साधा सर्दी-खोकला-ताप असला तरी भीती वाटते. दरम्यान नुकत्याच झालेल्या एका अभ्यासानुसार कॉमन कोल्ड व्हायरस फ्लूच्या व्हायरसला रोखण्यास सक्षम असू शकतो.

संशोधकांनी सांगितलं, कॉमन कोल्ड शरीरातील अँटिव्हायरल प्रणाली वेगवान करण्यासाठी हे गरजेचं आहे. ज्यामुळे फ्लूपासून संरक्षण मिळतं.

इंडियन एक्स्प्रेसच्या रिपेक्टनुसार, येल युनिव्हर्सिटीच्या शास्त्रज्ञांनी येल न्यू हेवेन रुग्णालयात 13,000 पेक्षा अधिक रुग्णांचा तीन वर्षांपर्यंत अभ्यास केला. या सर्व रुग्णांमध्ये श्वसनसंबंधी आजार होते.

जेव्हा या रुग्णांच्या शरीरात कॉमन कोल्ड व्हायरस होता तेव्हा फ्लूचा व्हायरस नव्हता, असं या अभ्यासात दिसून आलं. राइनोव्हायरस टिश्यूच्या संपर्कात आल्यानंतर इन्फ्लुएंझा व्हायरसमध्ये संक्रमणासाठी तितका सक्षम राहत नाही.

संशोधनाच्या अभ्यासिका डॉ. एलेन फॉक्समेन यांनी सांगितलं, आकडेवारीनुसार खूप कमी लोकांमध्ये दोन्ही व्हायरस एकाच वेळी उपस्थित होते.