डास चावल्यानं होऊ शकतो कोरोना? वाचा काय सांगतात डॉक्टर

कोरोना संक्रमित व्यक्तीचं रक्त शोषल्यानंतर जर तोच डास जर निरोगी व्यक्तीला चावला तर त्यामुळे कोरोनाची लागण होऊ शकते का यावर आता डॉक्टरांचं स्पष्टीकरण आलं आहे.

न्यू साउथ वेल्स हेल्थ पॅथोलॉजीच्या एका रिपोर्टनुसार संपूर्ण जगात प्रत्येक वर्षी जवळपास 5 लाख लोकांचा मृत्यू केवळ डास चावल्यानं झालेल्या संक्रमणामुळे होतो.

मात्र अद्याप अशी एकही केस समोर आलेली नाही की ज्याच्या आधारावर हा दावा केला जाईल की कोरोना व्हायरस डास चावल्यानं होऊ शकतो.

डॉक्टर कॅमरन वॅब यांनी या रिपोर्टमध्ये सांगितलं आहे की, डास चावल्यानं कोरोना व्हायरस पसरत नाही. हा एक रेस्पिरेटरी व्हायरस आहे. जो शिंका आल्यानं किंवा खोकल्यामार्फत परसतो.

डॉ. कॅमरननी सांगितलं, डास चावल्यानं फक्त डेंग्यू, यलो फिवर, चिकनगुनिया, रोज फिवर आणि जीका व्हायरसचं संक्रमण होतं.

कोरोना व्हायरस व्यतिरिक्त एचआयव्ही आणि इबोला यांचं संक्रमणही डास चावल्यानं होत नाही. कोरोना व्हायरसचं संक्रमण एकमेकांच्या संपर्कातून होतं.