फक्त बिस्किट चाखण्यासाठी मिळणार 40 लाख रुपये पगार ; कंपनीने ऑफर केला हटके जॉब

जॉबबाबत प्रत्येकाची स्वप्नं असतात. अगदी कमी काम, जास्त सॅलरी आणि मजामस्ती, आरामदायी अशी नोकरी हवी असं प्रत्येकाला वाटतं. पण अशी नोकरी मिळणं शक्य आहे का अशी नोकरी आहे कुठे असा प्रश्न पडतोच. (फोटो सौजन्य : इन्स्टाग्राम - borderbiscuits)

मात्र खरोखरच तुम्हाला असा जॉब मिळाला तर. आम्ही थट्टा नाही करत आहोत. तर एका कंपनीने असा हटके जॉब ऑफर केला आहे. ज्यामध्ये तुम्हाला फक्त बिस्किट चाखण्यासाठी तब्बल 40 लाख रुपये दिले जाणार आहेत. (फोटो सौजन्य : इन्स्टाग्राम - borderbiscuits)

एका बिस्किट बनवणाऱ्या एका कंपनीने असा हटके जॉब ऑफर केला आहे. या कंपनीला मास्टर बिस्किटर (Master Biscuitier) हवा आहे. (फोटो सौजन्य : इन्स्टाग्राम - borderbiscuits)

हा जॉब फूल टाइम आहे. शिवाय 35 दिवसांची सुट्टीदेखील आहे. बरं बिस्किट खाण्यासाठी तुम्हाला कोणतेही पैसे द्यायचे नाहीत. बिस्किट फ्री मिळणार आहे. (फोटो सौजन्य : इन्स्टाग्राम - borderbiscuits)

नोकरीसाठी इच्छुक असलेल्या उमेदवाराला स्वाद आणि बिस्किट प्रोडक्शनबाबत सखोल माहिती असायला हवी. सोबत नेतृत्व आणि संवाद कौशल्यही यायला हवं. ग्राहकांसंबंध चांगले संबंध ठेवण्यासाठी नव्या आयडिया देणाऱ्याला प्राधान्य दिलं जाईल. (फोटो सौजन्य : इन्स्टाग्राम - borderbiscuits)

आता तुम्हाला प्रश्न पडला असेल अशी ऑफर नेमकी कोणत्या बिस्किट कंपनीने दिली आहे. इंडपेन्डेंट वेबसाईटच्या वृत्तानुसार बॉर्डर बिस्किट्स (Border Biscuits)  कंपनीने हा जॉब ऑफर केला आहे. बिस्किट चाखण्यासाठी ही कंपनी वर्षाला 40 हजार पाउंड म्हणजे 40 लाख रुपये पगार देणार आहे. (फोटो सौजन्य : इन्स्टाग्राम - borderbiscuits)

‘बॉर्डर बिस्किट’चे एमडी पॉल पार्किस यांनी सांगितलं, "आम्ही देशभरातील लोकांना अर्ज करण्यासाठी प्रोत्साहित करत आहोत आणि काही खास उमेदवारांना मुलाखतीसाठी बोलावलं जाईल" (फोटो सौजन्य : इन्स्टाग्राम - borderbiscuits)

कंपनीच्या हेड ऑफ ब्रँड सूजी कारलॉ म्हणाल्या, "कंपनी आपल्या ग्राहकांना सर्वोत्कृष्ट स्वाद आणि गुणवत्तापूर्ण बिस्किट देण्यासाठी कटिबद्ध आहे आणि ते प्रत्यक्षात आणण्यासाठी आम्हाला मास्टर बिस्किटरची गरज आहे" (फोटो सौजन्य : इन्स्टाग्राम - borderbiscuits)