प्रगतीसाठी लाभदायक ठरणारी रत्नं करतात घात; कोणत्या राशींनी धारण करावीत पहा

रत्नांमध्ये मुख्यतः नऊ रत्न धारण केली जातात, यात सूर्यासाठी माणिक, चंद्रासाठी मोती, मंगळसाठी- कोरल, बुधसाठी- पन्ना, गुरुसाठी-पुष्कराज, शुक्र- हिरा, शनी- नीलम, राहू- गोमेद आणि केतूसाठी लहसुनिया. हे 9 रत्न आहेत.

हिरा शुक्र ग्रहाच्या कृपादृष्टीसाठी घातला जातो. एखाद्या व्यक्तीला हिरा परिधान करणं लाभदायक ठरलं तर, त्यांच्या आयुष्यात कसलीच कमतरता राहत नाही. ज्योतिष शास्त्रानुसार कला, मीडिया, सिनेमा, फॅशन अशा कलात्मक क्षेत्रांशी निगडित लोकांनी हिरा घालणं शुभ जातो.

मेष,सिंह,वृश्चिक,धनु आणि मीन लग्न राशीच्या लोकांना हिरा अशुभ मानला जातो. ज्योतिष शास्त्रानुसार वृश्चिक लग्न रास असणाऱ्या लोकांनी चुकूनही हीरा परिधान करू नये.

पुष्कराज धारण करण्यामुळे धन,समृद्धी, व्यवसाय आणि शौर्य यामध्ये वृद्धी होते. याशिवाय चैतन्य आणि आकलन शक्ती वाढते, निर्णय क्षमता निर्माण होते. याशिवाय शारीरिक आणि मानसिक आजार बरे करण्यासाठी देखील हे रत्न शुभ मानलं जातं.

वृषभ,मिथुन कन्या,तुळ, मकर आणि कुंभ लग्न राशीच्या लोकांना पुष्पराज न घालण्याचा सल्ला दिला जातो. ज्योतिष शास्त्रानुसार पुष्कराज बरोबर नीलम, हिरा, गोमेद हे रत्न देखील घातले पाहिजेत. ज्यांच्या पत्रिकेत गुरु ग्रह सहाव्या,आठव्या किंवा बाराव्या स्थानामध्ये विराजमान असतात. त्यांनी पुष्कराज धारण करू नये.

पाचू रत्न धारण करणाऱ्या व्यक्तीचं भाग्य पालटतं. विद्यार्थ्यांसाठी हे रत्न अतिशय फलदायी मानले जातं. मिथुन आणि कन्या राशीच्या लोकांसाठी पाचू रत्न फलदायी ठरतं. याशिवाय वृषभ,तुला,मकर आणि कुंभ या राशीच्या लोकांनी देखील हे रत्न धारण करावं. मात्र मेष,कर्क,वृश्चिक या राशीच्या लोकांनी पाचू रत्न धारण करू नये.

12 राशींपैकी काहीच राशींनी मोती धारण करावा. कर्क राशीच्या लोकांसाठी मोती धारण करणं उत्तम मानलं जातं. मात्र वृषभ,कन्या,मकर आणि कुंभ लग्न राशीच्या लोकांनी मोती धारण करू नये. याशिवाय हिरा,पाचू,नीलम आणि गोमेद बरोबर मोती वापरू नये.

ज्यांच्या मनामध्ये सतत वाईट विचार येतात किंवा टेन्शन असतं अशा लोकांनी मनशांतीसाठी मोती धारण करावा. मोती धारण केल्यामुळे लक्ष्मीची कृपा देखील होते.