नरेंद्र मोदी, पुतिन असोत किंवा इम्रान खान या नेत्यांना आहेत काही अजब सवयी

रशियाचे राष्ट्रपती व्लादिमीर पुतिन - न्यूजवीकच्या म्हणण्यानुसार, रशियाचे राष्ट्रपती व्लादिमीर पुतिन हे त्यांच्या रुटीन बद्दल अत्यंत काटेकोर आहेत. पुतिन रात्री बरेच तास काम करतात आणि सकाळी उशिरा पर्यंत झोपतात. ब्रेकफास्टमध्ये ते कॉटेज चीज म्हणजे आपलं पनीर, दलिया किंवा एक आमलेट एवढंच खातात आणि ज्यूस पितात. कॉफी किंवा दोन तास स्विमिंग करतात. मग वेट लिफ्टिंग करतात.

जर्मन चॅन्सलर अँजेला मर्केल - जर्मनीच्या राष्ट्राध्यक्ष अँजेला मर्केल यांनी आपल्या आयुष्याची 35 वर्षं कम्युनिस्ट पूर्व जर्मनीमध्ये घालविली. स्टोअरमध्ये लांबच लांब रांगा असायच्या. सुरुवातीच्या काळात, मर्केलासुद्धा रांगेत उभे राहू नये म्हणून फूड पॅकेट्स साठवण्याची सवय होती. ही सवय आजही तशीच आहे. मर्केल अजूनही खायचे जिन्नस जमा करून ठेवते.

भारताचे पंतप्रधान नरेंद्र मोदी: नरेंद्र मोदी यांना मुलांचे कान धरण्याची किंवा कान पिळण्याची सवय आहे. मोदींना लहान मुलं खूप आवडतात. मुलांबरोबर मोदींची अशी अनेक छायाचित्रं आहेत, ज्यात ते मुलांचे कान धरताना दिसले आहे. बॉलिवूड अभिनेता अक्षय कुमारचा मुलगा आरबरोबरचा हा फोटो. कॅनेडियन पंतप्रधान जस्टिन ट्रूडोंच्या मुलाचा कान धरतानाचाही त्यांचा फोटो आहे.

पाकिस्तानचे पंतप्रधान इम्रान खान पाकिस्तानचे पंतप्रधान इम्रान खान यांना खाण्या-पिण्याची एक सवय आहे. इम्रान खान यांची दुसरी पत्नी रेहम खान यांनी एका मुलाखतीत सांगितले होतं की, इम्रान खान खाण्या-पिण्याच्या बाबतीत खरोखरच निष्काळजीपणा करतात. अनेकदा ते नोकरांच्या घरातून जेवण मागवून खातात. आणि कधीकधी ते जेवण न करताच झोपी जातात.

व्हॅटिकन सिटीचे पोप फ्रान्सिस कॅथलिक समूदायाचे 266 वे पोप फ्रान्सिस यांना फुटबॉल सामने पाहणे, आईस्क्रीम-पिझ्झा खाणं खूप आवडतं . त्यांना नाचायलाही आवडतं. टँगो हा आफ्रिकन नृत्य प्रकारही खूप आवडतो. 2010 साली एका मुलाखतीत स्वतः पोप फ्रान्सिस यांनी हे सांगितलं होतं.

दलाई लामा- 14 वे दलाई लामा, तेन्झिन ग्यात्सो यांना घड्याळांच्या कामाच्या पद्धतीमध्ये फार पूर्वीपासून रस होता. एकदा त्यांनी घड्याळांचे सर्व भाग उघडून पुन्हा जोडले होते. अमेरिकेचे माजी राष्ट्राध्यक्ष बराक ओबामा यांनी दिलेलं घड्याळ त्यांना फार आवडतं. दलाई लामा अजूनही ते घड्याळ घालतात.

क्वीन एलिझाबेथ द्वितीय क्वीन एलिझाबेथ यांना वटवाघूळ आवडतं. लंडनच्या त्यांच्या राजवाड्याच्या मुख्य हॉलमध्ये वटवाघुळांची वस्ती आहे आणि त्यांच्यासाठी राणीने रॉयल सुरक्षाही वाढविली आहे. साफ सफाई करतांना वटवाघुळांना इजा होऊ नये अशा कडक सूचना घरकाम करणार्‍या कर्मचार्‍यांना देण्यात आल्या आहेत.