आहारातल्या 'या' 7 पदार्थांनी होते अॅसिडीटी

आपण सगळेच अनेकदा पार्टीला विविध पदार्थ खात असतो. जिभेचे चोचले पुरवणारे पदार्थ खाल्ले की छान वाटतं खरं, पण ते तात्पुरतंच. नंतर अॅसिडीटीचा त्रास सुरू होतो. पुढील 7 पदार्थ खाल्ले की अॅसिडीटी होते.

चाॅकलेट्स तर सगळ्यांना आवडतात. पण त्यात कॅफिन आणि थियोब्रोमाइन पदार्थ असतात. ते अॅसिड वाढवायला कारणीभूत होतात. शिवाय कोको आणि कॅफिनमुळेही अॅसिडीटी वाढते. त्यामुळे चाॅकलेट्स कमी खावीत.

प्रमाणाबाहेर सोडा प्यायला तर नक्कीच अॅसिडीटी होते. सोड्यात कॅफीन असतं. त्याचा त्रास होतो.

बिअर आणि वाइन पिऊनही अॅसिटीडी होते. दारू पिऊन पोटात गॅस्ट्रिक अॅसिड तयार होतं.

एक कप चहा किंवा काॅफी ठीक आहे. पण जास्त चहा-काॅफी प्यायली तर पोटात अॅसिडीटी होते. कारण या पेयांत कॅफिन असतं.

मिरची, गरम मसाला, काळी मिरी यांचा अतिरिक्त वापर केला तर पोटात अॅसिड होतं.

फॅटी फूड्स चवीला चांगले लागतात. पण ते सारखे खाल्ले तर नक्कीच त्रास होईल.

संत्र, लिंबू, टोमॅटो यात भरपूर आम्ल असतं. रिकाम्या पोटी ही फळं खाल्ली तर अॅसिडीटी होते.