PHOTOS तिवरे दुर्घटना: एक होतं धरण... रात्रीत गाव वाहून नेलं!

रत्नागिरी जिल्ह्यात झालेल्या मुसळधार चिपळूण तालुक्यातील तिवरे धरण मंगळवारी रात्री फुटले

रात्री 10च्या सुमारास धरण फुटल्यामुळे गावात पूरसदृश परिस्थिती निर्माण झाली असून अनेक गावांना अलर्ट देण्यात आला आहे.

तिवरे धरणाच्या पायथ्याशी असलेल्या भेंडवाडी (तिवरे गाव)तील 18 पैकी 13 घरांचे नुकसान झाले आहे.

या गावातील 16 जण बेपत्ता असून 6 जणांचे मृतदेह सापडले आहेत.

धरणाच्या मुख्य भिंतीस तडा जाऊन अंदाजे 9 ते 9.30च्या सुमारास भिंत फुटली.

आलोरे शिरगाव पोलीस ठाण्याच्या हद्दीत ही घटना घडली आहे. घटनास्थळी NDRF आणि जिल्हा प्रशासनाचे पथक दाखल झाले आहे.

तिवरे धरण फुटल्यामुळे या परिसरातील 6 ते 7 गावांना फटका बसला आहे.

तिवरे धरण हे लघु पाटबंधारे विभागाचे धरण आहे सदर धरणाची साठवणूक क्षमता 2.452 दशलक्ष घनमीटर / 0.08 टीएमसी येवढी आहे.

हे धरण फुटल्यामुळे तिवरे व धणेगाव यांना धोका आहे. पुढे जाऊन हे पाणी वाशिष्टी नदीला जाऊन मिळते.

घटनेची माहिती मिळता जिल्हाधिकारी सुनील चव्हाण मध्यरात्री 2 वाजता घटनास्थळी दाखल झाले

धरण फुटल्यानंतर गावातील 13 घरे वाहून गेली.

धरण फुटल्यानंतर त्यातील भराव 125 ते 150 मीटर पर्यंत वाहून गेला

धरण फुटल्यानंतर चिखल आणि मातीत अनेक जण अडकले असण्याची शक्यता

या घटनेनंतर मदतकार्य तातडीने सुरु करण्यात आले. पण या परिसरात सतत पाऊस पडत असल्यामुळे मदत कार्यात अडथळे येत आहेत.

मंगळवारी संध्याकाळी 5 च्या सुमारास धरणाच्या सांडव्यावरून पाणी वाहण्यास सुरुवात झाली होती.

जिल्हा प्रशासनाने दिलेल्या माहितीनुसार गेल्या 72 तासापासून धरण परिसरात मुसळधार पाऊस पडत आहे.

रात्री 10 वाजता आपत्ती व्यवस्थापन कक्षाच्या whatsapp ग्रुपवर तिवरे धरण फुटल्याचा संदेश आला.