सतत जांभई येणं नॉर्मल नाही बरं का! आरोग्य बिघडल्याचा असाही असतो संकेत

शरीरातील ऑक्सिजनच्या कमतरतेमुळे (Oxygen low) जास्तवेळा जांभई येऊ शकते. शरीरातील ऑक्सिजनची पातळी खालावणे धोकादायक आहे.

बीपीचा त्रास होत असेल किंवा हृदयाची गती मंदावली असेल तर, जांभया येतात. टेन्शनमुळे ब्लड प्रेशर वाढतं आणि शरीरातील ऑक्सिजन मेंदूला पोहचत नाही. दम्याचा त्रास असल्यास किंवा हृदयाशी किंवा फुफ्फुसांशी संबंधित एखादा आजार असल्यास योग्य खबरदारी घ्यावी.

ब्लड ग्लुकोज लेव्हल कमी झाली असेल, तर, जांभई त्याचे संकेत देते. हाइपोग्लाइसीमिया या आजाराची ही सुरुवात असू शकते. हाइपोथायरॉइडिज्म या आजारामुळे हार्मोनल बॅलन्स बिघडतो.त्यामुळेही जांभई येते.

सतत जांभई येणं हे लिवर खराब होण्याचे संकेत आहेत. फुप्फुस चांगल्या प्रकारे काम करत नसेल तर दम्यासारखी समस्याही होऊ शकते. मेंदूतील पिट्यूटरी ग्लॅंड दबल्याने मेंदूला जखम होते. त्याचेही संकेत जांभईने मिळतात.

शरीरात ऑक्सिजनचा अभाव असेल तर, माणसाला कंटाळवाणं वाटायला लागतं. अशा परिस्थितीत शरीरात योग्य प्रमाणात ऑक्सिजन पोहोचवण्यासाठी दीर्घ श्वास घ्या. श्वास थोडावेळ रोखून ठेवा आणि नंतर सोडा. यामुळे शरीराला पुरेसा ऑक्सिजन मिळेल.

थकव्यामुळे जांभई येते. त्यामुळे पाणी पिण्याने देखील फायदा होतो. पाण्यामुळे तुमचे शरीर हायड्रेट होईल आणि ताजंतवानं वाटायला लागेल.

बऱ्याच लोकांना इतरांना जांभई देताना पाहून जांभई यायला लागते. अशा वेळेस आपल्या आसपास कोणती व्यक्ती जांभई देत असेल तर, त्वरीत दुसरीकडे लक्ष द्या. त्यामुळे जांभई येणार नाही. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही. अधिक माहितीसाठी संबंधित तज्ज्ञांचा सल्ला घ्या.)