एवढीशी तोंडली आरोग्यासाठी मोठी फायदेशीर; कोरोना काळात तर आवर्जून खायलाच हवी

सध्या बाजारात तोंडली मोठ्या प्रमाणात दिसून येतं आहे. तोंडली ही आरोग्यासाठी उत्तम अशी भाजी आहे. मात्र बऱ्याच लोकांना त्याच्या गुणधर्मबाबत फारशी माहिती नसते.

तोंडलीत व्हिटॅमिन ए, बी 1, बी 2, सी तसंच पोटॅशिअम, फॉस्फरस, मॅग्नेशिअम यासारखे शरीराला पोषक असणारे अनेक घटक असतात.

फक्त भाजी म्हणून तोंडी लावण्यासाठी नाही तर तोंडली आपल्याला अनेक आजारांपासून आराम देतं. आज आपण याबद्दलच माहिती करून घेणार आहोत.

रक्त शुद्धीकरण- तोंडली शरीरातील रक्त शुद्धीकरण करतं. त्यात रक्त शुद्धीकरण करणारे गुणधर्म मोठ्या प्रमाणात असतात. त्यामुळे त्वचा देखील सुरक्षित राहते.

पचनासाठी उत्तम - पडवळमध्ये मोठ्या प्रमाणात फायबर असतं. त्यामुळे आपली पचनक्रिया सुरळीत राहते. याच्या नियमित सेवनाने आपल्या सर्व पचनसंबंधी समस्या दूर होतात.

त्वचेला ठेवतं तरुण - तोंडलीत अँटिऑक्सिडंट घटक असतात. त्याचबरोबर व्हिटॅमिन ए आणि सी मुबलक प्रमाणात असतं. त्यामुळे चेहऱ्यावर सुरुकुत्या येण्याची प्रक्रिया मंदावते आणि तुम्ही अधिक काळ तरुण दिसता.

तुम्ही जर बऱ्याच दिवसांपासून बद्धकोष्ठतेला त्रस्त असाल तर आपल्या आहारात तोंडलीचा समावेश नक्की करा. त्यामुळे तुम्हाला बद्धकोष्ठतेपासून आराम मिळेल.

वजनदेखील होतं कमी- तोंडलीत कॅलरीज आणि फायबर मोठ्या प्रमाणात असतं. त्यामुळे तुमचं वजन घटण्यास मदत होते. त्याचबरोबर याच्या सेवनानं पोट जास्त वेळेसाठी भरलेलं जाणवतं, परिणामी भूक लागत नाही आणि जास्त न खाल्ल्याने वजन आटोक्यात राहण्यास मदत होते.

कावीळ- तोंडली यकृतासाठी अत्यंत फायदेशीर असतं. कावीळ झालेल्या लोकांसाठी तर तोंडली खूपच उपयुक्त आहे. यामुळे यकृताची कार्यक्षमता वाढते आणि तुमची पचनक्रियासुद्धा सुधारते.

रक्तातील ग्लुकोज आणि रक्तदाब ठेवतं नियंत्रित- मधुमेह आणि उच्च रक्तदाब हा एक आनुवंशिक आजार आहे. मात्र आपल्या खाण्यापिण्यात काही बदल करून ते नियंत्रणात ठेवता येतं. तोंडलीमुळे हे दोन्ही आजार नियंत्रणात राहतात.

रोगप्रतिकारक क्षमतेत वाढ- पडवळ खाल्ल्यानं आपली रोगप्रतिकारक क्षमता मोठ्या प्रमाणात वाढते. त्यामुळे सर्दी, खोकला, ताप यांसारख्या आजारांपासून आपला बचाव होतो. सध्या कोरोना काळात रोगप्रतिकारक शक्ती वाढवण्याची गरज आहे. त्यामुळे तोंडली नक्कीच खायला हवी.