चीनच्या सीमेवर हाडं गोठवणाऱ्या थंडीत भारतीय सैनिक काही मिनिटांत कसं शिजवतात अन्न?
सध्या थंडी वाढत आहे. भारत-चीन सीमा, सियाचीन किंवा बर्फाच्छादित सीमावर्ती भागात राहणे आणि स्वयंपाक करणे दोन्ही गोष्टी कठीण आहेत. भारतीय लष्कराचे जवान तिथे कठीण परिस्थितीत राहतात, पण DRDO ने त्यांच्यासाठी असे काही स्वादिष्ट पदार्थ तयार केले आहेत, जे अवघ्या दोन मिनिटांत तयार होतात. त्यात इडली, चिकन, बिर्याणी, पावभाजी आणि सर्व प्रकारचे स्वादिष्ट फ्लेवर्स आहेत.
आपल्याला चपाती करायची असेल तर काय करावे लागते हे सर्वांनाच माहिती आहे. पण भारताच्या लष्करी क्षेत्रात नावीन्यपूर्ण शोधासाठी प्रसिद्ध असलेल्या DRDO ने अन्न क्षेत्रातही अप्रतिम काम केल्याचं पाहून तुम्हाला आश्चर्य वाटेल. खाण्यासाठी तयार पदार्थांची जबाबदारी डीएफआरएल म्हणजेच डीआरडीओची उपकंपनी असलेल्या डिफेन्स फूड रिसर्च लॅबोरेटरी हाताळते. याअंतर्गत दुर्गम भागात तैनात असलेल्या सैनिकांना पाकिटांमध्ये बंद करून खाण्यापिण्याच्या गोष्टी पाठवल्या जातात. अशा पदार्थांची यादी खूप मोठी आहे. यातील चपात्या किमान 15 ते 30 दिवस खाण्यायोग्य राहू शकतात.
हे रेडी टू ईट फ्रायड चिकन लेग पीस आहे. जेव्हा लष्करी जवान दुर्गम डोंगराळ भागात आणि दुर्गम भागात तैनात असतात तेव्हा त्यांची सर्वात मोठी समस्या चांगल्या अन्नाची असते. अशा परिस्थितीत डीएफआरएलने बनवलेले पदार्थ त्यांच्यासाठी खूप उपयुक्त आहेत. हे अन्न त्यांच्यापर्यंत पोहोचवायलाही वेळ लागतो, अशा परिस्थितीत त्याची गुणवत्ता, सुरक्षितता, भरपूर प्रथिने असतील याकडे पूर्ण लक्ष दिले जाते. तळलेला लेग पीस खास अशा प्रकारे तयार करण्यात आला आहे. जो पॅकेटमधून बाहेर काढून गरम करून थेट खाल्ला जाऊ शकतो.
कर्नाटक राज्यातील म्हैसूर येथे DFRL ही संस्था आहे. ही संस्था अन्न पॅकेट्सद्वारे जास्तकाळ सुरक्षित ठेवणे आणि गरम करुन लगेच खाता येईल, यावर संशोधन करत असते. 1 जानेवारी 1958 रोजी DRDO ची स्थापना झाली, तर त्याच्याशी संबंधित या संस्थेने 28 डिसेंबर 1961 रोजी काम सुरू केले. लष्कर आणि निमलष्करी दलांना रेडी टू इट अन्न पुरवण्याची जबाबदारी या संस्थेवर आहे.
DFRL च्या मेनूमध्ये कोणते खास पदार्थ आहेत ते पाहूया. यामध्ये फ्लेवर्ड चपाती, शॉर्ट टर्म प्रिझर्व्ड चपाती, पाऊच प्रोसेस्ड फूड, आलू छोले, सुजी हलवा, फिश करी, डाळ, सोया चंक्स, पालक करी, चटणी, सोया श्रीखंड, इडली सांबार, उपमा मिक्स, चिकन आणि मटण रेसिपी यांचा समावेश आहे. याशिवाय अनेक प्रकारची पेये उपलब्ध आहेत.
