झी मराठीच्या या मालिकांनी प्रेक्षकांना लावलं होतं वेड, आता देखील विसरणं आहे अशक्य?

झी मराठीवरील अशा काही मालिका होऊन गेल्या ज्यांना विसरणं आजही प्रेक्षकांना शक्य नाहीये.

असंभव ही मालिका त्याच्या सुंदर विषयामुळे आणि कलाकारांच्या उत्तम अभिनयामुळे प्रचंड गाजली होती. भूतकाळ आणि वर्तमान याना जोडणाऱ्या या चित्तथरारक मालिकेत उमेश कामत, उर्मिला कानेटकर, नीलम शिर्के यांच्या मुख्य भूमिका होत्या.

झी मराठीवरील पहिली दैनंदिन मालिका आभाळमाया आजही सगळ्यांच्या लक्षात आहे. त्याच्या शीर्षकगीताचे आजही अनेक चाहते आहेत. सुकन्या मोने आणि अनेक मोठ्या मराठी कलाकारांनी यात काम केलं आहे.

झी मराठीवरील आणखी एक अजरामर मालिका म्हणजे वादळवाट. अदिती सारंगधर, अरुण नलावडे, उमेश कामत, प्रसाद ओक अशा आत्ताच्या आघाडीच्या कलाकारांनी यात सुंदर भूमिका पार पाडल्या होत्या.

श्रीयुत गंगाधर टिपरे या मालिकेने तर प्रेक्षकांना वेड लावलं होतं. दिलीप प्रभावळकर यांच्या अनुदिनी पुस्तकावर आधारित ही मालिका होती.

प्रपंच या झी मराठीवरील मालिकेचा वेगळा विषय प्रेक्षकांना खूप भावला होता. यात रसिक जोशी, सुहास जोशी यांच्या मुख्य भूमिका होत्या.

घडलंय बिघडलंय या मालिकेचे आजही अनेक चाहते आहेत. निखळ मनोरंजनाचा स्तोत्र असलेली ही मालिका खूप गाजली होती.