उपाशी पोटी ऑडिशन देणारी नेहा झाली सुपरस्टार; पाहा ACP दिव्याची संघर्षगाथा

एसीपी दिव्याच्या एण्ट्रीमुळं देवमाणूस या मालिकेत नवा ट्विस्ट आहे. आता ती डॉ. अजितकुमार देवचे काळे धंदे जगासमोर आणणार की काय? अशी शक्यता निर्माण झाली आहे. (Neha Khan/Instagram)

दिव्याची भूमिका साकारणारी अभिनेत्री नेहा खान (Neha Khan) प्रेक्षकांच्या विशेष पसंतीस उतरली आहे. (Neha Khan/Instagram)

अगदी काही दिवसांतच लोकप्रियतेचं शिखर गाठणाऱ्या नेहानं खडतर प्रवास केला आहे. या फोटो गॅलरीत पाहूया या अभिनेत्रीचा प्रेरणादायी प्रवास (Neha Khan/Instagram)

नेहाची आई मराठी व वडिल मुस्लीम धर्मिय आहेत. आंतरधर्मीय विवाहामुळं नेहाच्या आईला प्रचंड त्रास झाला. (Neha Khan/Instagram)

नेहाच्या आईला प्रॉपर्टी मिळू नये, म्हणून काही गुंडांनी जोरदार मारहाण केली होती. यामध्ये तिच्या आईला शरीरभर तब्बल 370 टाके पडले होते. (Neha Khan/Instagram)

या मारहाणीचा आळ स्वत:वर येईल म्हणून नेहाचे वडील फरार झाले. अशा प्रतिकूल परिस्थितीत तिच्या आईनं हिंमत दाखवून नेहा आणि तिच्या भावाचा सांभाळ केला. (Neha Khan/Instagram)

नेहा खान मूळ अमरावतीची आहे. शेजारी राहणाऱ्या एका महिलेमुळं तिच्यात अभिनय करण्याची इच्छा निर्माण झाली. त्यानंतर तिनं अनेक ठिकाणी ऑडिशन्स वगैरे देऊन काम मिळवली. (Neha Khan/Instagram)

मुंबईत ऑडिशनला येण्यासाठी तिला खूप कसरत करावी लागायची. कधी ट्रेन वगैरे चुकली तर स्टेशनवरच झोपायची. वेळप्रसंगी उपाशी राहून देखील तिनं ऑडिशन्स दिली आहेत. (Neha Khan/Instagram)

किशोरी शहाणे आणि सतीश कौशिक यांचे सेक्रेटरी म्हणून काम केलेल्या अमरजीत यांनी तिला सुरुवातील काम मिळवून देण्यास मदत केली होती. (Neha Khan/Instagram)

तिनं आजवर ‘बॅड गर्ल’, ‘काळे धंदे’, ‘शिकारी’, ‘हाफ ट्रुथ’, ‘गुरुकुल’, ‘बियॉन्ड बॉर्डर्स’ यांसारख्या वेब सीरिज आणि चित्रपटांमध्ये काम केलं आहे. (Neha Khan/Instagram)