'जो जीता वो ही सिंकदर'मधील आमिर खानचा मोठा भाऊ बॉलिवूडमधून झाला गायब; पाहा अभिनता सध्या काय करतोय?

अभिनेता आमिर खानचा (Aamir Khan) चित्रपट ‘जो जीता वो ही सिंकदर’ ( jo jeeta wohi sikandar) हा सुपरहीट ठरला होता. आमिरला या चित्रपटानंतर मोठी प्रसिद्धी मिळाली. याशिवाय चित्रपटातील प्रत्येक पात्रही हीट ठरलं होतं. आमिर खानच्या मोठ्या भावाचा रोल अभिनेता मामिक सिंग (Mamik Singh) याने साकारला होता. त्यालाही प्रसिद्धी मिळाली होती. मात्र त्यानंतर तो बॉलिवू़डमधून गायब झाला. पाहा तो सध्या काय करतोय.

‘जो जीता वो ही सिंकदर’ ( jo jeeta wohi sikandar) चित्रपटातील मामिक सिंगचं पात्र प्रेक्षकांना विशेष आवडलं होतं. याशिवाय चित्रपटात आयशा झुल्काने मुख्य अभिनेत्रीची भूमिका साकरली होती.

90 च्या दशकात मामिक सिंगला मोठी ओळख प्राप्त झाली होती. पण काही चित्रपटांनंतर तो बॉलिवूडमधून गायब झाला.

दरम्यान काही चित्रपटात सहाय्यक भूमिका साकारल्यानंतर मामिकला जास्त काम मिळालं नाही.

मामिक सिंगने त्यानंतर मालिकांमध्ये काम करायला सुरूवात केली. चंद्रकांता, बेताल पचीसी, दीवार, रिश्ते अशा अनेक मालिकांमध्ये त्याने काम केलं. पण म्हणावी अशी प्रसिद्धी मिळाली नाही.

मामिकने काही चित्रपटात लहान रोल साकरले. याशिवाय नुकताच प्रदर्शित झालेला चित्रपट ‘बेलबॉटम’मध्येही मामिकने लहान भूमिका साकारली आहे.

मामिकने सांगितलं होतं की, सुरूवातीला त्यांनी अभिनयाला गांभिर्याने घेतलं नाही. त्याचाच हा परिणाम आहे. असं त्यांना वाटतं.

मामिक सिंग अभिनयात जास्त काही करू शकले नसतील पण दिग्गज निर्माते आणि दिग्दर्शक रामानंद सागर यांच्या नातीशी मीनाक्षी सागरशी विवाह केल्यानंतर ते दोघेही फार चर्चेत आले होते.

काही दिवसांपूर्वी आलेल्या ‘स्कॅम 1992’मध्येही त्यांनी काम केलं होतं. याशिवाय अन्य काही चित्रपटांत ते दिसले होते.