ईशा-विक्रांतच्या आयुष्यात होळीचे 'असे'ही रंग

सध्या 'तुला पाहते रे' मालिकेत अनेक तणावाचे प्रसंग प्रेक्षक अनुभवत आहेत. हिरोच व्हिलन होतोय म्हटल्यावर बऱ्याच घडामोडी घडतायत.

पण आता प्रेक्षकांना थोडं रिलॅक्स करायला रंगणार आहे होळी आणि धुळवड. ईशाच्या माहेरच्या चाळीत सरंजामे कुटुंब धुळवड खेळायला येणार आहे.

यावेळी मायराही अनोख्या रंगात रंगून जाणार आहे.

ईशा आणि विक्रांतची लग्नानंतरची आता पहिली होळी असणार आहे. हा होळीचा उत्सव प्रेक्षक मालिकेत पाहू शकणार आहेत.

बेडेकर चाळीत रंगपंचमी अगदी उत्साहात साजरी करतात आणि हा सण बेडेकर चाळीत साजरा करण्यासाठी ईशाचे आई बाबा सरंजामे कुटुंबियांना आग्रहाचं निमंत्रण द्यायला येतात.

ते निमंत्रण स्वीकारून सरंजामे कुटुंबीय बेडेकर चाळीत होळी साजरी करणार आहेत.

या होळीला ईशाच्या आयुष्यात कुठल्या रंगांची उधळण होणार, तेही समोर येईल.