बापरे! एका दिवसाचं इतकं मानधन घेतात 'तारक मेहता...' चे हे कलाकार

छोट्या पडद्यावरील लोकप्रिय शो 'तारक मेहता का उल्टा चश्मा' (Taarak Mehta Ka Ooltah Chashmah) गेली अनेक वर्षे प्रेक्षकांचं मनोरंजन करत आहे. त्यातील प्रत्येक पात्र प्रेक्षकांचं आवडतं ठरलेलं आहे. पण हे कलाकार तितकंच भारीभक्कम मानधन देखील घेतात.

मालिकेत मुख्य पात्र साकारणारे दिलीप जोशी म्हणजेच जेठालाल एका दिवसासाठी 50 हजार रुपये इतकं मानधन घेतात. महिन्यातून ते 25 दिवस काम करतात.

मालिकेतील तारक मेहता म्हणजेच अभिनेते शैलेश लोढा एका एपिसोडसाठी 32 हजार रुपये घेतात. मालिकेत 'जेठालाल' आणि 'तारक' यांची खास मैत्री पाहायला मिळते.

'बबीता जी' हे पात्र साकारणारी अभिनेत्री मुनमुन दत्त ही प्रेक्षकांना फारच आवडते. एका एपिसोडसाठी मुनमुन 30 हजार रुपये घेते. ती महिन्यातील 16-17 दिवस शूटिंग करते.

श्याम पाठक म्हणजेच मालिकेतील 'पोपटलाल' एका एपिसोडसाठी 28 हजार रुपये मानधन घेतात.

'जेठालाल'चे बापूजी म्हणजेच अभिनेते अमित भट्ट मालिकेत 'चंपक चाचा' या भूमिकेत दिसतात. एका एपिसोडसाठी ते 35 हजार रुपये घेतात.

जेठालालचा मुलगा 'टपू' हे पात्र साकारणारा राज अनादकट एका एपिसोडसाठी 10 हजार रुपये घेतो.

जेनिफर मिस्त्री बनसीवाल ही मालिकेतील रोशनसिंग सोढीची पत्नी एका एपिसोडचे 22 हजार रुपये घेते.

'आत्माराम भिड़े' म्हणजेच अभिनेते मंदार चांदवाडकर हे मालिकेतील एक फेमस पात्र आहे. ते एका एपिसोडसाठी 30 हजार रुपये घेतात.

कुश शाह म्हणजेच मालिकेतील ‘गोली’ एका एपिसोडसाठी 8 हजार रुपये घेतो.