बिग बॉस 14 विजेती रुबिना येतेय प्रेक्षकांच्या भेटीला, 'शक्ति' मालिकेतून कमबॅक

छोट्या पडद्यावर 'शक्ती- अस्तित्व के एहसास की' ही मालिका प्रचंड प्रसिद्ध झाली होती. यामध्ये रुबिना दिलैक आणि विवियन डिसेना सौम्या आणि हरमन या मुख्य भूमिकेत होते.

या मालिकेमध्ये आत्ता 15 वर्षांचा लीप घेण्यात आला आहे. यानुसार काही पात्रसुद्धा बदलण्यात आली आहेत. आधीसारखं रुबिना दिलैक या मालिकेत झळकणार आहे. मात्र विवियनच्या जागी नव्या अभिनेत्याची एन्ट्री झाली आहे.

'कसौटी जिंदगी की' मधील अनुराग म्हणजेच अभिनेता सिजेन खान आता विवियनच्या जागी दिसून येणार आहे.

लीपनंतरच्या नव्या भागांचं चित्रीकरण सध्या सुरू आहे. याचदरम्यानचे रुबिना आणि सिजेनचे काही फोटो सोशल मीडियावर लीक झाली आहेत.

सिजेन खान खूप वर्षानंतर मालिकेत पुनरागमन करत आहे. त्यामुळे सिजेनचे चाहते आनंदी आहेत.

सिजेन खानने 2001 मध्ये 'कसौटी जिंदगी की' या मालिकेत 'अनुराग बासू'हे पात्र साकारलं होतं. ही एकता कपूरची मालिका होती. त्यांनतर 2009 मध्ये तो 'एक लडकी अनजानी सी', सीता और गीता या मालिकेत सुद्धा काम केलं होतं. मात्र त्यांनतर बरीच वर्षे तो टीव्हीपासून दूर होता.

अभिनेत्री रुबिना दिलैक तब्बल 2 वर्षांनंतर शक्ती मध्ये परतली आहे. त्यामुळे ती खूपचं उत्सुक आहे.

मालिकेतून ब्रेक घेत रुबिना 'बिग बॉस 14' मध्ये सहभागी झाली होती. या कार्यक्रमाची ती विजेती सुद्धा ठरली आहे.