Shama Sikandar Wedding: शमा सिकंदर या महिन्यात परदेशी बॉयफ्रेंडसोबत बांधणार लग्नगाठ

अभिनेत्री शमा सिकंदरने टीव्हीपासून बॉलिवूडपर्यंत आपल्या जबरदस्त अभिनयाने लोकांना वेड लावलं आहे. शमा तिच्या ऍक्टिव्हिटी किंवा प्रोजेक्ट्सपेक्षा तिच्या बोल्ड लुकमुळे चर्चेत असते. जवळपास दररोज तिचा नवा अवतार चाहत्यांना पाहायला मिळतो. शमा सिकंदरच्या लग्नाची तारीख 2020 मध्ये आली होती. पण नंतर कोरोना महामारीमुळे तिला लग्नाची तारीख पुढे ढकलावी लागली होती.

शमा सिकंदर लवकरच तिच्या बॉयफ्रेंडसोबतच्या नात्याला नवं नाव देणार आहे. ती लवकरच तिच्या बॉयफ्रेंडसोबत लग्नगाठ बांधणार आहे.

पिंकविलाच्या रिपोर्टनुसार, 'ये मेरी लाइफ है' फेम अभिनेत्री या महिन्यात तिचा परदेशी बॉयफ्रेंड जेम्स मिलिरॉनसोबत सेटल होणार आहे. दोघेही याच महिन्यात डेस्टिनेशन वेडिंग करणार आहेत.

दोन्ही कुटुंबीयांनी लग्नाची तयारी सुरू केल्याचे सांगण्यात येत आहे. या लग्नात फक्त कुटुंबातील सदस्य आणि त्यांचे जवळचे मित्र सहभागी होणार आहेत.

जेम्सचे आई-वडीलही लवकरच त्यांच्या मुलाच्या लग्नासाठी मुंबईला पोहोचणार आहेत. बऱ्याच दिवसांपासून अभिनेत्रीचे चाहते तिच्या लग्नाची वाट पाहात होते.

सध्या अनेक सेलिब्रिटींनी आपलं नातं लपवलं असताना, शमा सिकंदरने मात्र नेहमीच खुलेपणाने आपलं प्रेम व्यक्त केलं आहे. शमाने तिच्या वैयक्तिक आयुष्याबद्दल खुलेपणाने सांगितलं आहे.

लग्नाची घोषणा होण्यापूर्वीच अभिनेत्री शमा स्वतःचे आणि तिच्या बॉयफ्रेंडचे अनेक फोटो आणि व्हिडिओ चाहत्यांसाठी शेअर करत होती.

सोशल मीडियावरही ती तिचा होणारा नवरा म्हणजेच जेम्स मिलिरॉन आणि तिचे फोटो शेअर करत असते.