अभिनेत्री प्रिया अहुजाचे बिकिनी PHOTO VIRAL; प्रेग्नन्सीनंतर शरीरात झालेल्या बदलांचा केला खुलासा

'तारक मेहता का उल्टा चष्मा' मध्ये रिपोर्टर रीटा म्हणजेच अभिनेत्री प्रिया अहुजा ही सध्या आपल्या बिकिनी फोटोंमुळे चांगलीच चर्चेत आली आहे.

सोशल मीडियावर प्रियाने आपले बिकिनी फोटो पोस्ट करत एक मोठा संदेश देखील लिहिला आहे. प्रिया आई झाल्याने तिचं वजन वाढलं आहे. तिच्या शरीरावर स्ट्रेच मार्क्स आले आहेत आणि तरीसुद्धा तिनं बिकिनी घातली आहे. आपण कसे दिसू, याची मला मुळीच लाज वाटत नाहीये, असं ती लिहिते.

प्रिया म्हणते मी आई झाल्यानंतर माझा शरीरात खूपच बदल झाला. आणि अजूनही माझं शरीर पूर्वपदावर आलं नाही. मात्र तरीसुद्धा मला काही अडचण नाही. मी आई होण्याचं सुख सेलिब्रेट करत आहे.

त्याचबरोबर ती म्हणते, 'माझं शरीर अजूनही जाडजूड आहे. त्वचा सैलसर झाली आहे. तरीही मी खूश आहे. कारण मी एका बाळाला जन्म दिला आहे. त्याला 9 महिने माझ्या गर्भात संभाळलं आहे.'

प्रियाने 'तारक मेहता का उल्टा चष्मा' या मालिकेचे दिग्दर्शक मालव राजद यांच्यासोबत विवाह केला आहे.

प्रिया सांगते कि दिड वर्षानंतरही माझं शरीर अजून जाडजूड आहे तरीसुद्धा मी हे सगळं खूप आनंदाने जगत आहे.

खूपच कमी अभिनेत्री असतात ज्या आपल्या शरीराच्या बाबतीत कोणतीही लाज किंवा संकोच बाळगत नाहीत. त्यातीलच एक म्हणजे प्रिया अहुजा.