Hardeek Akshaya Wedding : हातमागावर विणलेली पाठक बाईंची पैठणी; सप्तपदी ते कानपिळी, शाही थाटात पार पडला लग्नसोहळा

तुझ्यात जीव रंगला मालिकेतील राणा दा आणि पाठक बाई खऱ्या आयुष्यातही एकमेकांचे पती पत्नी झाले आहेत.

हार्दीक जोशी आणि अक्षया देवधर यांचं पुण्यात लग्न झालं.

अस्सल मराठमोळ्या पद्धतीनं दोघांचा शाही विवाह सोहळा पार पडला.

मराठमोळ्या पद्धतीनं सगळे विधी साग्रसंगीतपणे पार पडले.

अक्षयानं लग्नात नेसलेली पैठणी साडी सगळ्या कुटुंबानं हातमागावर विणलेली होती. साडी विणण्याचा व्हिडीओ दोघांनी शेअर केला होता.

नवरीबाई अक्षयाच्या चेहऱ्यावरील आनंद कॅमेरात अचूक टिपण्यात आला आहे.

हार्दीक आणि अक्षया दोघांनी लग्न मनापासून एन्जॉय केलं. आनंदानं आणि थोरा मोठ्यांच्या आशीर्वादानं दोघांनी नव्या आयुष्याची सुरूवात केली.

कोल्हापूरच्या रांगड्या राणांजींनी पाठक बाईंच्या गालावर भर मांडवात किस केलं. किस करताच दोघांचा नाजूक क्षण कॅमेरात टिपण्यात आला.

अक्षयाच्या गळ्यात मंगळसूत्र घालताना दोघेही काहीसे भावूक झाले होते.

लग्नाचा प्रत्येक विधी दोघांनी मनापासून एन्जॉय केला.

अक्षयाच्या भावानं हार्दीकचे चांगलेच कान पिळले आणि बहिणीला सुखात ठेवण्याचं वचन घेतलं.

कानपिळीच्या विधीसाठी एकच नाही 7 भाव एकत्र आले होते. कानपिळीच्या विधीत हार्दिकची चांगलीच वाट लागली होती.

दोघांच्या सुखी संसारासाठी चाहत्यांकडून शुभेच्छा आणि प्रेमाचा वर्षाव होतो आहे. सप्तपदीचा हा क्यूट फोटो सर्वांना आवडला आहे.

हार्दीकच्या घरातील सगळ्यांच्या लाडक्या सदस्यांबरोबर दोघांनी न विसरता फोटो काढला.