'तुझी माझी रेशीमगाठ', नेहा आणि परीचं खास PHOTOSHOOT; मायलेकींना पाहून चाहते झाले खुश

'तुझी माझी रेशीमगाठ' फेम प्रार्थना बेहेरे आणि मायरा अर्थातच नेहा आणि परीने आज 'डॉटर्स डे'च्या निमित्ताने खास फोटोशूट केलं आहे. या दोघी मायलेकींनी सेम लूकमध्ये हे फोटोशूट केलं आहे. या दोघींचे फोटो सध्या मोठ्या प्रमाणात पसंत केले जात आहेत.

आज 'डॉटर्स डे'च्या निमित्ताने अनेक मायलेकी एकमेकांसोबत सुंदर फोटो शेअर करत आहेत. दरम्यान ऑनस्क्रीन मायलेक असणाऱ्या प्रार्थना आणि मायरानेदेखील आजचा दिवस खास बनवला आहे. दोघीनी सोबत येऊन खूप धम्माल केली आहे. फोटोशूटसोबतच दोघींनी मजेशीर रिल्सही बनवले आहेत.

प्रार्थना आणि मायराने फोटोंमध्ये एकसारखा लूक केला आहे. अर्थातच ट्विनिंग केलं आहे. या दोघीनी फोटोमध्ये सेम व्हाईट टी शर्ट आणि ब्ल्यू जीन्स घातली आहे. हे टी शर्ट खूपच खास आहे. कारण यावर मालिकेतील परी आणि नेहाचा स्पेशल डायलॉग 'अपने पास बहोत पैसा है' असं लिहिलेलं आहे.

नुकताच झी मराठीवर 'तुझी माझी रेशीमगाठ' हि मालिका आपल्या भेटीला आली आहे. या मालिकेने पहिल्या दिवसापासून प्रेक्षकांच्या मनावर आपली पकड बनवली आहे. मालिकेत नेहा म्हणजेच अभिनेत्री प्रार्थना बेहेरे आणि यश म्हणजेच अभिनेता श्रेयश तळपदे यांनी भूमिका साकारल्या आहेत. नेहा हि लग्न झालेली मात्र नवरा सोडून गेलेली एक साधी स्पष्ट आणि प्रेमळ मुलगी असते. तिला परी नावाची एक गोंडस मुलगी असते.

मालिकेमध्ये या दोघींचे खूपच मजेशीर तितकेच भावुक करणारे सीन पाहायला मिळतात. या दोघी सेटवरसुद्धा मोठी धम्माल करत असतात. दोघी सतत रिल्स बनवून सोशल मीडियावर शेअर करत असतात.

प्रार्थना आणि श्रेयशने खूप वर्षानंतर छोट्या पडद्यावर पुनरागमन केलं आहे. ही मालिका मोठ्या प्रमाणात पसंत केली जात आहे. या कलाकरांच्या अभिनयासोबत मायराचा गोड अंदाज प्रेक्षकांना भुरळ घालत आहे.