मनोरंजनसृष्टीत पदार्पण करण्याआधी दिलीप जोशी करायचे 'हे' काम; पत्नीच्या एका निर्णयानं बदललं जेठालालचं नशीब

'तारक मेहता का उल्टा चष्मा' मध्ये जेठालालची भूमिका साकारणारे दिलीप जोशी घराघरात लोकप्रिय आहेत. आज त्यांना या भूमिकेने प्रसिद्धी मिळवून दिली असली तरी त्यापूर्वी दिलीप जोशींनी खूप संघर्षाचे दिवस पहिले आहेत.

दिलीप जोशी अभिनयाच्या दुनियेत पाऊल ठेवण्यापूर्वी अतिशय कठीण टप्प्यातून गेले आहेत. जेव्हा त्यांना पहिला चित्रपट मिळाला तेव्हा त्यांच्याकडे जास्त पैसे शिल्लक नव्हते, कारण त्यांची मुलगी नियतीचा जन्म झाला आणि ते पैसे हॉस्पिटलमध्ये खर्च झाले. ते त्यावेळी 400-500 रुपयांत काम करायचे.

दिलीप जोशी यांनी मॅशेबल इंडियाला दिलेल्या मुलाखतीत त्यांच्या आयुष्यातील त्या टप्प्याबद्दल सांगितले. एका ट्रॅव्हल एजन्सीसाठी 12-12 तास काम कसे करायचे ते त्यांनी सांगितले होते.

दिलीप जोशी म्हणाले, "माझ्या आयुष्यात एक असा टप्पा होता, जेव्हा मी एका ट्रॅव्हल एजन्सीमध्ये काम करायचो. 1985 ते 1990 पर्यंत मी सकाळी 9 वाजता ऑफिसला जायचो आणि रात्री 9 वाजता परत यायचो."

दिलीप जोशी पुढे म्हणाले, "आम्ही लक्झरी बसेसची व्यवस्था करायचो, ज्या मुंबई ते अहमदाबाद आणि मुंबई ते भावनगर या दरम्यान धावत होत्या. त्यासाठी खूप वेळ आणि मेंदूची शक्ती लागत होती."

दिलीप जोशी पुढे म्हणाले, "एक दिवस मला समजले की हे मला आता जमणार नाही आणि पत्नीशी बोलायला बसलो आणि तिला सांगितले की मला अभिनेता व्हायचे आहे. तिने मला पाठिंबा दिला."

दिलीप जोशी म्हणाले, "तिने मला सांगितले की 'मला करोडपती व्हायचं नाही आणि माझ्याकडे आपल्यासाठी पुरेसे अन्न आहे' पत्नीच्या या बोलण्याने दिलीप खूपच प्रभावित झाले आणि नोकरी सोडून अभिनयाकडे वळले.

त्यानंतर दिलीप जोशी यांनी पुन्हा मागे वळून पाहिले नाही. पर्श रावल यांच्यासोबत त्यांनी अनेक रंगभूमीवर काम केले. त्यांनी 'मैने प्यार किया', 'फिर भी दिल है हिंदुस्तानी', 'वन 2 का 4' यासह अनेक चित्रपटांमध्ये साईड रोल केले. 'तारक मेहता का उल्टा चष्मा' करायला सुरुवात केल्यापासून त्यांनी चित्रपटांमध्ये काम केले नाही.