सना खानच नाही या बॉलिवूड कलाकारांनी स्विकारला अध्यात्माचा रस्ता, नावं वाचून थक्क व्हाल

अभिनेत्री सना खान (Sana Khan) सध्या सोशल मीडियावर चर्चेचा विषय बनली आहे. सना खानने नुकतंच मौलाना मुफ्ती अनसशी (Mufti Anas) लग्न केलं. लग्नानंतर सतत वेगवेगळी ट्वीट आणि इन्स्टाग्रामवरील पोस्टमुळे ती चर्चेत येत आहे. तिने अभिनय विश्व सोडून धर्माचा मार्ग स्विकारला आहे. बॉलिवूडमध्ये इतरही काही कलाकार आहेत ज्यांनी अध्यात्म मार्ग स्विकारला आहे. (फोटो सौजन्य- सोशल मीडिया)

ममता कुलकर्णी- प्रसिद्ध अभिनेत्री ममता कुलकर्णी हिने एका मुलाखतीमध्ये असं म्हटलं आहे की ती संत चैतन्य गगनगिरी नाथ यांच्या मार्गदर्शनामध्ये जगत आहे आणि संन्याशी बनली आहे. (फोटो सौजन्य-सोशल मीडिया)

झायरा वसीम- दंगल गर्ल झायरा वसीन हिने अभिनय क्षेत्र सोडल्यानंतर अनेकांना मोठा धक्का बसला होता. तिने काही दिवसांपूर्वी तिच्या सोशल मीडियावरील फॅन पेजना विनंती केली होती की त्यांनी तिचे सर्व फोटो डिलिट करावे (फोटो सौजन्य-सोशल मीडिया)

विनोद खन्ना- विनोद खन्ना ओशो रजनीश यांच्याबाबत खूप प्रभावित झाले होते. अध्यात्मिक शांतीसाठी त्यांनी 1982 साली मुंबईला अलविदा म्हटले होते. (फोटो सौजन्य- सोशल मीडिया)

साक्षी खन्ना- विनोद खन्ना यांचा मुलगा साक्षी खन्ना याने देखील वडिलांच्या पावलावर पाऊल ठेवून अत्यात्ममार्ग स्विकारला आहे. तो ओशो इंटरनॅशनलशी जोडला गेला आहे (फोटो सौजन्य- सोशल मीडिया)

सोफिया हयात- सोफिया एक गायिका, अभिनेत्री आणि प्रसिद्ध टीवी पर्सनालिटी होती. मात्र तिने काही वैयक्तिक कारणांमुळे नन बनण्याचा निर्णय घेतला (फोटो सौजन्य- सोशल मीडिया)

अनू अग्रवाल- आशिकी फेम अनू अग्रवालचं करिअर खूप चढउतारांचं होतं. एक वेळ अशी आली की तिने बॉलिवूडला कायमचे अलविदा केले. तिने अध्यात्म आणि योगसाधना या गोष्टींना आयुष्यात महत्त्वाचे स्थान दिले आहे. (फोटो सौजन्य- सोशल मीडिया)

बरखा मदान- 1994 साली मिस इंडिया फायनलिस्ट असणाऱ्या बरखा मदान हिने मॉडेलिंग बरोबरच काही हिंदी आणि पंजाबी सिनेमात काम केले होते. अक्षय कुमारचा 'खिलाड़ियों का खिलाडी' या सिनेमात देखील तिने काम केले होते. दरम्यान 2012 मध्ये बौद्ध धर्मामुळे प्रभावित होऊन तिने धर्मालाच जगण्याचं ध्येय बनवलं आणि ग्लॅमर इंडस्ट्रीला अलविदा केलं. (फोटो सौजन्य- सोशल मीडिया)

बिजय आनंद-'प्यार तो होना ही था' या सिनेमात काजोलच्या बॉयफ्रेंडची भूमिका साकारणारे बिजय आनंद यांनी कमी कालावधीतच सिनेमा जगत सोडले. अशा बातम्या समोर येत आहेत की त्यांनी अध्यात्माचा मार्ग स्विकारला आहे. (फोटो सौजन्य- सोशल मीडिया)