3 हजारांची नोकरी ते बॉलिवूड अभिनेत्री; पाहा सोनलचा थक्क करणारा प्रवास

सोनल सेहगल ही आज बॉलिवूडमधील एक प्रसिद्ध अभिनेत्री म्हणून ओळखली जाते. तिने आपल्या मादक अदांच्या जोरावर एक वेगळा प्रेक्षकवर्ग निर्माण केला.

आज सोनलचा वाढदिवस आहे. 40 व्या वाढदिवसाच्या निमित्तानं देशभरातील चाहत्यांनी तिच्यावर शुभेच्छांचा वर्षाव केला आहे.

सोनलचा जन्म चंदिगढमधील एक मध्यमवर्गीय कुटुंबात झाला होता. आंतरमहाविद्यालय सौंदर्य स्पर्धांमध्ये भाग घेत तिनं आपल्या मॉडलिंग करिअरची सुरुवात केली होती.

मॉडलिंग करत असतानाच तिला काही लोकल जाहिरातींमध्ये काम करण्याची संधी मिळाली. या जाहिरातींमुळे तिच्यामध्ये अभिनयाची आवड निर्माण झाली.

त्यामुळे बॉलिवूडमध्ये काम करण्यासाठी मग ती मुंबईत आली. इथे ती विविध ठिकाणी जाऊन ऑडिशन देत होती. परंतु संधी मिळेपर्यंत ती एका रेस्तरॉमध्ये वेट्रेसचं काम करत होती. या ठिकाणी तिला महिना 3 हजार रुपये पगार मिळत होता.

2003 साली सारा आकाश या मालिकेतून तिने आपल्या अभिनय कारकिर्दीची सुरुवात केली होती. त्यानंतर कसौटी जिंदगी की आणि हॉटेल किंगस्टन या मालिकेंमध्ये ती झळकली.

दरम्यान जस्सी जैसी कौई नही या मालिकेमुळे ती खऱ्या अर्थानं प्रकाशझोतात आली होती. यामध्ये तिने साकारलेली खलनायिकेची भूमिका तुफान गाजली.

छोट्या पडद्यावर चर्चेत आल्यामुळे सोनलला बॉलिवूडमध्ये देखील संधी मिळाली. 2005 साली यु अँड मी या चित्रपटातून तिने आपल्या बॉलिवूड करिअरची सुरुवात केली होती.

तिचा पहिलाच चित्रपट फ्लॉप झाला पण तीन वर्षानंतर तिला आमिर खानच्या गजनीमध्ये काम करण्याची संधी मिळाली. अन् तिथूनच खऱ्या अर्थानं तिच्या करिअरची सुरुवात झाली.

गेल्या काही काळात तिने जाने कहा से आई है, फ्युचर ब्राईट है जी, फॉरबिटन लव्ह यांसारख्या काही चित्रपटांमध्ये ती झळकली. अन् आज ती प्रसिद्ध अभिनेत्री म्हणून ओळखली जाते.