अंकिता लोखंडेपेक्षा कमी नव्हता 'जेठालाल' चा थाट! असा पार पडला मुलीचा राजेशाही विवाहसोहळा

सध्या मनोरंजनसृष्टीत लग्नसराई सुरु आहे असं म्हटलं तरी चुकीचं ठरणार नाही. श्रद्धा आर्या, कतरिना कैफ, अंकिता लोखंडेनंतर आता 'तारक मेहता...' फेम जेठालाल अर्थातच दिलीप जोशी यांच्या मुलीचा विवाहसोहळादेखील पार पडला.

'तारक मेहता का उल्टा चश्मा' या मालिकेतून सर्वांना खळखळून हसायला भाग पाडणारे जेठालाल जोशी एक अत्यंत हळवे बाबा आहेत, हे आज पाहायला मिळालं.

दिलीप जोशी यांनी आपल्या इन्स्टाग्राम अकाऊंटवर आपल्या मुलीच्या लग्नाचे काही खास फोटो शेअर केले आहेत. हा विवाहसोहळा अगदी थाटामाटात पार पडला.

दिलीप जोशी यांनी सोशल मीडियावर फोटो शेअर करताच त्यांचे चाहते तसेच कलाकार मित्र त्यांच्यावर शुभेच्छांचा वर्षाव करत आहेत.

दिलीप जोशी यांची मुलगी नियती जोशीचा विवाहसोहळा काल पार पडला. लग्नाचा आनंद त्यांच्या चेहऱ्यावर ओसंडून वाहात होता. हा आनंद फोटोमध्ये स्पष्ट दिसून येतो.

दिलीप जोशी आणि त्यांच्या पत्नी आपल्या मुलीला नवरीच्या रूपात पाहून अत्यंत भावुक झाले होते. त्यांनी तिला घट्ट मिठी मारली होती.

मुंबईमधील प्रसिद्ध ताज हॉटेलमध्ये हा विवाहसोहळा थाटामाटात पार पडला. दिलीप जोशी यांचा जावई एक एनआरआय आहे.