मिस इंडिया स्पर्धेत तापसीचा झाला होता अपमान ; अभिनेत्रीनं पहिल्यांदाच सांगितला तिच्यासोबत घडलेला भयंकर प्रकार

आजच्या घडीच्या टॉप अभिनेत्रींमध्ये तापसी पन्नूचा समावेश होतो. तिनं तिच्या अभिनयाच्या जीवावर बॉलिवूडमध्ये एक वेगळा चाहता वर्ग निर्माण केला आहे. सिनेमा जगतात पाऊल ठेवण्यापूर्वी ती मॉडलिंग करत होती. मात्र आपल्यापैकी काहींना माहित नसेल तापसी मिस इंडिया स्पर्धेत सहभागी झाली होती. तापसी त्यावेळी शिक्षण घेत होती.

तापसी पन्नूच्या आई वडिलांना तापसीच्या मिस इंडिया स्पर्धेत सहभास घेण्याला विरोध होता. मात्र तापसीनं आई वडिलांना सांगितलं की, मी चांगला अभ्यास करते आणि चांगले मार्क्स देखील मिळवते. तेव्हा कुठं तिच्या पालकांनी तिला या स्पर्धेत सहभागी होण्याला परवनगी दिली. (फोटो साभारः Instagram @taapsee)

तापसी पन्नूनं मिस इंडिया स्पर्धेत सहभाग नोंदवला आणि तिनं या स्पर्धेत फेमिना मिस फ्रेश फेस' आणि 'फेमिना मिस ब्यूटीफुल स्किन' या पुरस्कारनं सन्मित करण्यात आलं.

तापसी पन्नूनं नुकतीच लल्लन टॉपला एक मुलाखत दिली. यावेळी तापसीनं मिस इंडिया स्पर्धेत तिच्यासोबत घडलेल्या प्रकाराबद्दल सांगितलं.

तापसी यावेळी म्हणाली मी पूर्ण सत्य तर सांगू शकत नाही. या स्पर्धेत तिच्यासोबत झालेल्या भेदभाव आणि तिला मिळालेली धमकी यावर पहिल्यांदाच तापसी या मुलाखतीमध्ये बोलली.

तापसी म्हणाली, मी या स्पर्धेक टॉप 28 पर्यंत मजल मारली होती. मला खात्री होती की, मी सहज या स्पर्धेच्या टॉप 10 मध्ये पोहचेल. मात्र अचानकच मी या स्पर्धेतून बाहेर पडली.

तापसी पुढं म्हणाली की. या स्पर्धेसाठी माझी तयारी करून घेतली जात होती. एक मॉडलिंग प्रशिक्षक मला यासाठी ट्रेन करत होता. या प्रशिक्षकाचं नाव हेमंत त्रिवेदी होतं. तापसीनं सांगितलं तो शिक्षक माझा एकसारखा अपमान करत होता.

हेंमत त्रिवेदी तापसीचा सर्वांच्या समोर वारंवार अपमान करत होते. एवढचं नाही तर ते मला सतत म्हणतं होते की, माझ्या जर हातात असतं तर मी तुला टॉप 28 पर्यंत पोहचूचं दिलं नसतं.

तापसी पन्नू म्हणाली की, मी तेव्हा प्रोफेशनल मॉडेल नव्हते. शिवाय मी टीव्ही जाहिरातींमध्ये देखील काम केलं नव्हतं. मी केवळ फोटोशू़टच्या जीवावर या स्पर्धेत टॉप 28 पर्यंत मजल मारू शकले होते. मला सोडून सगळे प्रोफेशनल मॉडेल होते.