सुशांतच्या मृत्यूनंतर पहिल्यांदा घराबाहेर दिसली EX-गर्लफ्रेंड अंकिता, गरीबांना वाटले चॉकलेट्स

14 जून रोजी अभिनेता सुशांत सिंह राजपूतच्या आत्महत्येनंतर संपूर्ण बॉलिवूड आणि टेलिव्हिजन सृष्टीमध्ये खळबळ उडाली होती. सुशांतची पहिली रिल हिरोईन आणि एक्स-गर्लफ्रेंड अंकिता लोखंडे त्याच्या जाण्याने पूर्णपणे हादरून गेली होती. दरम्यान सोमवारी पहिल्यांदा तिला मुंबईमध्ये घराबाहेर पाहण्यात आले.

याआधी अंकिता-सुशांतबद्दल बोलताना त्यांचा मित्र संदीप असं म्हणाला होता की, अंकिताने सुशांतसाठी स्वत:ला वाहून घेतले होते. त्याने तिच्या दिवंगत आईची जागा घेतली होती.

तो असं म्हणाला होता की, अंकिता सर्वकाही सुशांतच्या आवडीचे करत असे. तिने घराचे इंटेरिअर देखील त्याच्या पसंतीचे केले होते. दरम्यान संदीपने रिय-सुशांतच्या लग्नबाबत माहित नसल्याचे सांगितले होते

सुशांतसाठी ती करिअर सोडायला देखील तयार होती. तर त्यांच्या ब्रेकअप नंतरही सुशांंतसाठी प्रार्थना करत असल्याचेही संदीपने सांगितले होते.

सुशांतच्या जाण्याने अंकिता पूर्णपणे कोलमडली होती. दरम्यान या सर्व प्रसंगामध्ये तिने सुशांतच्या कुटुंबीयांची भेट घेऊन त्यांना दिलासा देण्याचा प्रयत्न केला होता.

अंकिता आणि सुशांतच्या ब्रेकअपमुळे चाहत्यांमध्ये प्रचंड नाराजी होती. टेलिव्हिजन आणि बॉलिवूडमधील सर्वात आवडत्या कपल्सपैकी एक हे दोघेजण होते. मात्र त्यानंतर सुशांतचे नाव अनेक अभिनेत्रींबरोबर जोडले गेले होते.

सुशांतच्या मृत्यूनंतर जेव्हा अंकिता पहिल्यांदा मीडियाच्या कॅमेरात कैद झाली, तेव्हा ती गरीबांमध्ये चॉकलेट्स वाटताना दिसली

सुशांतच्या मृत्यूनंतर महिनाभराने अंकिताने एक फोटो देखील शेअर केला होता. ज्यामध्ये तिने देवाजवळ लावलेल्या दिव्याचा एक फोटो शेअर केला होता.