पाकिस्तानी एजंटला विकली भारतीय महिला, सनी देओलने असं आणलं घरी

बॉलिवूड अभिनेता आणि गुरदासपुर येथून निवडून आलेले खासदार सनी देओल यांच्या मदतीने कुवैत येथे अडकलेल्या एका महिलेची सुटका झाली आहे. जालंधर जवळील भिखीविंड येथील हे प्रकरण असून 45 वर्षीय वीना बेदी यांना नोकरीची हमी देऊन एका पाकिस्तानी एजेंटला विकण्यात आले होते.

रिपोर्टनुसार, महिलेला सांगण्यात आले होते की, त्यांना कुवैतमध्ये हाउस किपिंगची नोकरी मिळेल. महिन्याला या कामाचे 30 हजार रुपयेही मिळतील. मात्र ज्या पद्धतीने सर्व गोष्टी सांगण्यात आल्या त्या तशाच नव्हत्या. कुवैतमध्ये वीणाला मारहाण करण्यात यायची तसेच तिला एकाच जागी बंद केले जायचे.

आपल्या मुलीबद्दल जेव्हा वीणाच्या घरच्यांनी सनी यांना सांगितले तेव्हा देओल यांनी त्वरीत अॅक्शन घेतली. सनी यांनी डिस्ट्रिक्ट लीगल सर्विस अथॉरिटी तसेच कुवैत आणि कॅनेडातील दोन एनजीओची मदत घेत महिलेल्या घरी परत आणण्याची कार्यवाई सुरू केली.

अखेर सनी देओल यांच्या मेहनतीला यश मिळालं आणि शुक्रवारी 26 जुलै रोजी वीणा घरी परतल्या. सनी देओल यांच्या या कामामुळे गुरदासपुर येथील जनता पुन्हा एकदा त्यांची चाहती झाली आहे.

तसेच वडील धर्मेंद्र यांचा आनंदही गगनात मावेनासा झाला आहे.

धर्मेंद्र यांनी स्वतः ट्वीट करत आपला आनंद व्यक्त केला. या ट्वीटमध्ये त्यांनी वृत्तपत्रातील एक कात्रणही शेअर करत म्हटलं की, 'नोकरी समजून कर्तव्य कर. देव तुला नेहमीच साथ देवो.'