Bigg Boss Marathi: लतीचा अभ्या दिसणार बिग बॉसच्या घरात? 'या' गोष्टीमुळे रंगली चर्चा

'सुंदरा मनामध्ये भरली' या मालिकेतून अभिनेता समीर परांजपे घराघरात पोहोचला आहे. मालिकेतील अभि आणि लतीची केमिस्ट्री प्रेक्षकांना प्रचंड पसंत पडली आहे.

परंतु सध्या मालिकेत एक उत्कंठावर्धक वळण आलं आहे. आणि अनेक वर्षांचा लीप दाखवण्यात आला आहे. मालिकेतून अभ्या अर्थातच समीर परांजपे गायब आहे.

दरम्यान आता अभिनेता समीर परांजपे 'बिग बॉस मराठी' च्या चौथ्या सीजनमध्ये येणार असल्याची चर्चा सोशल मीडियावर रंगली आहे.

राजश्री मराठीने नुकतंच आपल्या इन्स्टाग्राम अकाउंटवर एक पोस्ट शेअर केली आहे. त्यामध्ये एका अभिनेत्याचा पाठमोरा स्केच शेअर केला आहे. आणि बिग बॉसमध्ये सहभागी होणारा हा अभिनेता कोण ओळखण्यास सांगितलं आहे.

यावर युजर्स हा अभिनेता समीर परांजपे असल्याचा अंदाज लावत आहेत. दरम्यान मालिकेतून समीरने ब्रेक घेतल्याने या चर्चेने आणखीनच जोर धरला आहे.

परंतु अभिनेता समीर परांजपे किंवा बिग बॉस मराठीच्या टीमने याबाबत अद्याप कोणतीही अधिकृत माहिती दिलेली नाहीय.

त्यामुळे प्रेक्षकांना आणखी काही दिवस प्रतीक्षा करावी लागणार आहे.

समीर परांजपे खरंच या शोमध्ये सहभागी झाला तर त्याच्या चाहत्यांसाठी हे मोठं सरप्राईज असणार आहे.