Samantha सोबत घटस्फोट घेऊन आनंदी आहे Naga chaitanya! 3 महिन्यानंतर केला खुलासा

साऊथ स्टार नागा चैतन्य सध्या आपल्या 'Bangarraju' या चित्रपटात व्यग्र आहे. या चित्रपटाचं शूटिंग पूर्ण झालं आहे. सध्या या चित्रपटाचं प्रमोशन सुरु आहे. या चित्रपटात तो आपले वडील नागार्जुन यांच्यासोबत दिसणार आहे. या प्रमोशनच्या दरम्यान नागाने आपल्या आणि समंथाच्या नात्याबद्दल खुलासा करत म्हटलं, घटस्फोटाचा निर्णय योग्य होता. या निर्णयामुळे ते दोघेही आनंदी आहेत.

समंथा प्रभू आणि नागा चैतन्यच्या नात्यामध्ये काही तरी बिनसल्याच्या चर्चा सोशल मीडियावर सुरु होत्या. परंतु या दोघांनी कधीही त्यावर भाष्य केलं नव्हतं.

अभिनेता नागा चैतन्यने आपल्या 'Bangarraju' या आगामी चित्रपटाच्या प्रमोशन दरम्यान आपल्या आणि समंथाच्या नात्याबद्दल संवाद साधत म्हटलं, घटस्फोट घेण्याचा निर्णयच योग्य होता.

हा निर्णय आम्ही दोघांच्या इच्छेने घेतला होता. या निर्णयाने ती आनंदी आहे तर मीसुद्धा, अशा स्थितीत घटस्फोट घेणंच योग्य होतं'.

नागा चैतन्य आणि समंथा प्रभू यांना साऊथमधील पॉवर कपल म्हणून ओळखलं जात होतं. परंतु या दोघांनी आपलं चार वर्षांचं नातं क्षणार्धात संपवलं होतं.

2021मध्ये त्यांनी आपल्या सोशल मीडियावर एक पोस्ट लिहीत याबद्दलची माहिती दिली होती.

या दोघांच्या निर्णयाने त्यांचे चाहते मात्र फारच नाराज झाले होते. त्यांना या दोघांच्या घटस्फोटावर विश्वास ठेवणं कठीण झालं होतं. सध्या नागा चैतन्य आणि समंथा प्रभू आपापल्या कामात व्यग्र आहेत. ते सध्या आपल्या करिअरवर लक्ष देत आहेत.