सोनाली कुलकर्णीच्या फिटनेसचं रहस्य दडलंय भाकरी आणि टेकडीत!

आजकाल तुमचं वय काय, तुम्ही कुठल्या प्रोफेशनमध्ये आहात याचा आणि फिटनेसचा काहीही संबंध नाही. हल्ली ग्लोबल वाॅर्मिंग वाढलंय, तणाव वाढलाय, स्पर्धा वाढलीय.. त्यामुळे प्रत्येकालाच फिटनेसकडे लक्ष द्यायला हवं.

फिटनेस म्हणजे फक्त शारीरिक नाही तर मानसिक फिटनेसही महत्त्वाचा. आपण त्यालाच महत्त्व देत नाही. तुमचं मन नियंत्रणात नसेल तर शरीराचा फिटनेस कितीही ठेवलात तरी त्याचा उपयोग नाही.

नुसता व्यायाम नाही, तर त्याचबरोबर आहारही तितकाच महत्त्वाचा असतो. लोक हल्ली वेगवेगळे डाएट फाॅलो करतात. ती एक फॅशनच बनलीय.

खरं तर हे डाएट किट पेशंटसाठी असतं. त्याला प्रमाण असतं.

आपण ज्या वातावरणात लहानाचे मोठे झालो. जे खाऊन मोठे झालो, ते फाॅलो करा. ज्यामुळे शरीरावर काही दुष्परिणाम जाणवणार नाहीत ते खा.

तुम्ही भाकरी खा, भाज्या खा. फायबरसाठी भाकरी खा. आहार नीट ठेवलात की मग 25 टक्के सपोर्ट असतो व्यायामाचा.

मला एकाच प्रकारच्या व्यायामाचा कंटाळा येतो. मग मी योगा करते.

मी योगाचे वेगवेगळे प्रकार करते. त्यात अष्टांग योग करते.

मी कधी फक्त 45 मिनिटं रनिंग करते. 10 किमी नाॅनस्टाॅप रनिंग करते.

'मी पुण्याला गेल्यावर सकाळी मी आणि माझा भाऊ टेकडीवर धावत जातो. तो उत्तम व्यायाम आहे.

तुम्ही जितकं बाहेर चालाल, तेवढा चांगला व्यायाम असतो.

पुण्याला सकाळच्या फ्रेश वातावरणात ताजंतवानं वाटतं. कधी मी स्वीमिंगही करते.

सोनालीनं आपल्या फिटनेसचं रहस्य तर सांगितलं. सोनालीचे दोन सिनेमे तयार आहेत. एक मृणाल कुलकर्णीनं दिग्दर्शित केलेली ती अँड ती. दुसरी अमृता सुभाषसोबत तिचा सिनेमा येतोय.