सिद्धार्थ - प्रत्युषाच नाही तर 'या' TV स्टार्सनीही कमी वयातच घेतला जगाचा निरोप

प्रसिद्ध टीव्ही अभिनेता सिद्धार्थ शुक्लाने (Sidharth Shukla) आटवडाभारापूर्वीच अचानक जगातून एक्झीट घेतली. त्याची ही एक्झीट अनेकांना चटका लावून गेली आहे. तसेच सिद्धार्थचीच बालिका बधू मधील कोस्टार प्रत्युषा बॅनर्जीचाही २०१६ साली मृत्यू झाला. पण हेच नाहीत आणखीही असे स्टार्स आहेत. ज्यांनी कमी वयातच जगाचा निरोप घेतला होता. पाहा कोण आहेत.

२ सप्टेंबरला वयाच्या अवघ्या ४० व्या वर्षी सिद्धार्थ शुक्लाचं निधन झालं. अचानक त्याला हृद्यविकाराचा झटका आला आणि त्याचा मृ्त्यू झाला. त्याच्या जाण्याने निकटवर्तीयांसह त्याच्या चाहत्यांमध्ये अजूनही हळहळ व्यक्त केली जात आहे.

1 एप्रिल 2016 ला मुंबईच्या राहत्या घरी अभिनेत्री प्रत्युषा बॅनर्जीची डेडबॉडी मिळाली होती. वयाच्या अवघ्या २४ व्या वर्षी तिने आत्महत्या केली होती.

टीव्ही ते बॉलिवूड असा प्रवास करणारा अभिनेता सुशांत सिंग राजपूतने १४ जून २०२०ला मुंबईतील बांद्रा येथील राहत्या घरी आत्महत्या केली होती. वयाच्या अवघ्या ३४ व्या वर्षी त्याने जगाचा निरोप घेतला.

टीव्ही अभिनेता समीर शर्मानेही 6 ऑगस्ट 2020 ला मुंबईतील मालाड येथील राहत्या घरी आत्महत्या केली होती. तो ४४ वर्षांचा होता. आर्थिक अडचणींतून त्याने जीवन संपवल्याचं सांगण्यात येतं.

‘ये रिश्ता क्या कहलाता है’ (Yeh Rishta Kya Kehlata Hai) फेम अभिनेत्री दिव्या भटनागरचा 26 नोव्हेंबर 2020 ला कोरोनाने मृत्यू झाला. ती ३४ वर्षांची होती.

अभिनेता कुशल पंजाबीने 26 डिसेंबर 2019 ला मुंबईतील राहत्या घरी फाशी घेऊन आत्महत्या केली. तो ४२ वर्षांचा होता.

टीव्ही अभिनेत्री सेजल शर्माने मुंबईतील मीरा रोड येथील राहत्या घरी 24 जानेवारी 2020 ला आत्महत्या केली. ‘दिल तो हैप्पी है जी’ मालिका संपल्यानंतर ती कामाच्या शोधात होती तसेच डिप्रेशनमध्ये असल्याचं सांगण्यात येत होतं. ती केवळ २६ वर्षांची होती.

टीव्ही अभिनेत्री प्रेक्षा मेहताने 25 मे 2020 ला आत्महत्या करत आपलं जीवन संपवलं होतं. ती केवळ २५ वर्षांची होती.

टीव्ही अभिनेता आणि व्हीलॉग्गर दानिश जेहेनचा (Danish Zehen) 20 डिसेंबर 2018 ला कार अपघातात मृत्यू झाला होता. तो केवळ २१ वर्षांचा होता. ‘Ace of Space’ या शोमध्ये तो दिसला होता.