आईला एकटीला सोडून गेला Sidharth Shukla; असा आहे अभिनेत्याचा परिवार

अभिनेता सिद्धार्थ शुक्लाने (Sidharth Shukla) गुरूवारी सकाळी अचानक जगाचा निरोप घेतला. त्याच्या जाण्याणे सिनेसृष्टीवर मोठी शोककळा पसरली आहे. आपल्या आईच्या अगदी जवळ असणारा सिद्धार्थ आता तिला सोडून गेला आहे.

वयाच्या अवघ्या ४० व्या वर्षी सिद्धार्थने जगाचा निरोप घेतला आहे. त्याच्या कुटुंबाप्रमाणेच त्याच्या लाखो चाहत्यांनाही तो दुःखात लोटून गेला आहे.

सिद्धार्थला आई तसेच दोन बहिणी आहेत. आपल्या कुटुंबाच्या तो अगदी जवळ होता. बिग बॉस जिंकल्यानंतर त्याने कुटुंबासोबत फोटो शेअर केले होते.

सिद्धार्थचे वडील हे मुंबईत सिव्हील इंजीनियर होते. तसेच त्यांनी रिझर्व बॅकेतही काम केलं होतं. मात्र सिद्धार्थच्या करिअरच्या सुरूवातीच्या काळातच त्यांनीही जगाचा निरोप घेतला होता.

मुळचं उत्तर प्रदेशचं असलेलं शुक्ला कुटुंब अनेक वर्षे मुंबईतच वास्तव्यास आहे. सिद्धार्थचा जन्मही मुंबईतच झाला होता.

सिद्धार्थच्या जाण्याने त्याच्या आईवर दुःखाचा मोठा डोंगर कोसळला आहे. सकाळी त्याचे कुटुंबिय कुपर रुग्णालयात पोहोचले होते.

बालिका वधू नंतर बिग बॉसने त्याला मोठी ओळख निर्माण करून दिली होती. करिअरच्या उच्च शिखरावर असताना सिद्धार्थ अचानक काळाच्या पडद्याआड गेला. त्याच्या चाहत्यांकडून मोठी हळहळही व्यक्त केली जात आहे.