लव्ह, लग्न. लोचा! या अभिनेत्रीला प्रेमविवाह करणं पडलं महागात; काही वर्षांतच झाला घटस्फोट

आपण कलाकारांच्या खाजगी आयुष्याबाबत जाणून घ्यायला नेहमीच उत्सुक असतो. मग ते त्यांचं प्रेम असो किंवा लग्नं. मात्र अशा काही अभिनेत्री आहेत. ज्यांच्या आयुष्यात प्रेम तर आलं मात्र लग्नानंतर हे नात फार काळ टिकू शकलं नाही.

छोट्या पडद्यावरील आदर्श सून आणि 'कसौटी जिंदगी की' फेम श्वेता तिवारीने राजा चौधरीसोबत लग्नं केलं होतं. मात्र त्याच्या व्यसनांना कंटाळून तिनं घटस्फोट घेतला होता. श्वेतानं दुसरं लग्न अभिनव कोहली सोबत केलं होतं. मात्र या नात्यामध्ये सुद्धा तिला दुखचं मिळाला. सध्या ती आपल्या 2 मुलांसोबत विभक्त राहते.

'उतरण' फेम अभिनेत्री रश्मी देसाईने आपला सह-कलाकार नंदिश संधू सोबत लग्न केलं होतं. मात्र अवघ्या 5 वर्षातच हा संसार मोडला. या दोघांनी घटस्फोट घेतला आहे.

अभिनेत्री दलजित कौरने सुद्धा आपला सह-कलाकार शालीन भानोट सोबत लग्नं केलं होतं. मात्र या दोघांनीसुद्धा घटस्फोट घेतला आहे. दलजितने तपतीवर कौटुंबिक हिंसाचाराचे आरोप सुद्धा लावले आहेत.

छोट्या पडद्यावरील बोल्ड अभिनेत्री शेफाली जरीवालासुद्धा या गोष्टींना सामोरं गेली आहे. शेफालीने कम्पोझर हरमीत सिंघ सोबत लग्नं केलं होतं. मात्र तिनं सुद्धा कौटुंबिक हिंसामुळे आपल्या पतीशी घटस्फोट घेतला आहे.

स्टार वन वाहिनीवरील 'प्यार की एक कहाणी' फेम 'पंछी' म्हणजेच अभिनेत्री वाह्बीज दोराबजी. तिनं अभिनेता विवियन डिसेना सोबत लग्नं केलं होतं. मात्र या दोघांनी सुद्धा काही काळातचं घटस्फोट घेतला होता.

मराठमोळी अभिनेत्री स्नेहा वाघने सुद्धा आपल्या पहिला पती अविष्कार दारवेकर सोबत घटस्फोट घेतला होता. त्यांनतर तिने एक इंटेरियर डिझायनर सोबत लग्नं केलं होतं मात्र अवघ्या तेसुद्धा काही महिन्यातच संपुष्टात आलं होतं.