अरे बापरे! फेशियल ट्रिटमेंटमुळे अभिनेत्रीच्या चेहऱ्याची भयंकर अवस्था; PHOTO पाहून बसेल धक्का

चित्रपटसृष्टीतील कलाकारांना आणि खास करून अभिनेत्रींना आपल्या फिटनेसवर आणि चेहऱ्यावर विशेष लक्ष द्याव लागतं. त्यांना सुंदर आणि आकर्षक दिसण्यासाठी अनेक फेस ट्रिटमेंट घ्याव्या लागतात. मात्र कधीकधी त्यामुळे त्यांना भारी नुकसानही मोजावं लागतं. असंच काहीसं झालं ते अभिनेत्री रायजा विल्सनसोबत. अशाच एका ट्रीटमेंटमुळे तिच्या चेहऱ्याची वाट लागली आहे.

तामिळ अभिनेत्री रायजाने नुकतंच एका डॉक्टरकडून आपलं फेशियल ट्रिटमेंट करून घेतलं होतं. मात्र त्यामुळे तिच्या चेहऱ्यावर अत्यंत वाईट परिणाम झाला आहे आणि तिच्या चेहऱ्यावर सूजसुद्धा आली आहे. रायजाने स्वतः आपल्या इन्स्टाग्राम वरून ही माहिती सर्वांना दिली होती.

रायजा तामिळ बिग बॉसच्या पहिल्या भागात सहभागी झाली होती. तेव्हापासूनच ती प्रसिद्धीच्या झोतात आली होती. त्यामध्ये अभिनेता कमल हसन हे होस्ट होते.

रायजा 'Velaiilla Pattadhari 2' या चित्रपटात झळकली होती. यामध्ये धनुष आणि अमला पॉल यांच्या मुख्य भूमिका होत्या. हा चित्रपट 2017 मध्ये प्रदर्शित झाला होता.

त्यांनतर रायजा 'Pyaar Prema Kaadhal' या चित्रपटात मुख्य अभिनेत्री म्हणून दिसून आली होती. यामध्ये तिच्या जोडीला अभिनेता हरिश कल्याण हा होता.

रायजा विल्सनने आपला फोटो शेअर करत म्हटलं आहे. 'मी भैरवी सेंथिल या डॉक्टरकडे चेहऱ्याची साधी ट्रिटमेंट करण्यासाठी गेले होते. मात्र त्यांनी मला एक वेगळी ट्रिटमेंट करण्यासाठी जबरदस्ती केली. मला त्याची काहीही आवश्यकता नव्हती आणि हा त्याचा परिणाम आहे. माझा चेहरा पूर्णपणे बिघडला आहे.

मी त्यांच्याशी संपर्क करण्याचा प्रयत्न केला. मात्र त्या मला भेटतही नाहीत आणि माझ्याशी संवादही साधत नाहीत. त्यांच्या कर्मचाऱ्यांना विचारलं असता, त्या शहरातून बाहेर असल्याचं सांगण्यात येत आहे. माझी पोस्ट पाहून अनेक लोकांनी म्हटलं आहे, की त्यांच्या ट्रीटमेंटमुळे आधीही असेच प्रकार घडले आहेत, असंही रायजा म्हणाली.

रायजाचे हे फोटो पाहून चाहते खूपच दु:खी आहेत. कारण रायजा सोशल मीडियावर अतिशय अॅक्टिव्ह असते आणि सतत आपले सुंदर सुंदर फोटो पोस्ट करत असते. इन्स्टाग्रामवर रायजाचे 1.5 दशलक्ष फॉलोअर्स आहेत.