Lakme फॅशन वीकमध्ये शोस्टॉपर बनताच शाहिद कपूरची पत्नी मीरा ट्रोल, वाचा नेमकं कारण

बॉलिवूड कबीर सिंह अर्थातच अभिनेता शाहिद कपूरची पत्नी मीरा राजपूत फारच स्टायलिश आणि सुंदर आहे. मीरा राजपूत नुकतंच लॅक्मे फॅशन वीक 2022 साठी शोस्टॉपर बनली होती. तिने डिझायनर आयशा रावच्या लेबलसाठी रॅम्प वॉक केला. यादरम्यान मीरा राजपूत रंगीबेरंगी ब्रालेट आणि लेहेंग्यात खूपच सुंदर दिसत होती.

परंतु असं असूनदेखील मीरा राजपूत आता ट्रोलर्सच्या निशाण्यावर आली आहे. पाहूया नेमकं काय घडलं?

जैन आणि मीशा या दोन मुलांची आई आणि शाहिद कपूरची पत्नी मीरा राजपूत यापूर्वी अनेक मोठ्या मासिकांच्या मुखपृष्ठावर झळकली आहे.

परंतु यावेळी मीराला रॅम्पवर पाहणं आणि आयशा रावच्या लेबलसाठी शो-स्टॉपर बनवणं काहींना रुचलं नाही.

मीरा राजपूतचे फोटो सोशल मीडियावर समोर आल्यानंतर काही ट्रोलर्सनी तिला ट्रोल करण्यास सुरुवात केली आहे.

एका सोशल मीडिया युजरने कमेंट करत लिहिलंय- 'ही का? इतक्या पात्र मुलींमधून तिलाच का बनवलं गेलं? त्याचवेळी दुसऱ्याने लिहिलं- 'तिला भविष्यात अभिनेत्री बनायचं आहे, म्हणूनच.'

मात्र, अनेक यूजर्स मीरा राजपूतचं तोंडभरून कौतुक करत आहेत.

मीराने 2015 मध्ये शाहिद कपूरशी लग्न केलं होतं. आणि लग्न झाल्यापासून ती सोशल मीडिया स्टार बनली आहे. मीरा नेहमीच तिच्या स्टायलिश लुकमुळे चर्चेत असते