आई नर्गिसनंतर संजय दत्तलाही कॅन्सरनं गाठलं; या सेलेब्रिटींनी कॅन्सरला दिली फाईट

सोनाली बेंद्रेने कॅन्सरशी यशस्वी लढा दिला. तिला जुलै 2018 मेटॅस्टॅटिक कॅन्सरनं गाठलं. पण तिने जिद्दीने कॅन्सरवर मात केली.

संजय दत्तला फुफ्फुसाच्या कर्करोगाचं निदान झालं आहे. हाच Lung cancer युवराज सिंगलाही झाला होता. त्यावर त्याने यशस्वी मात केली आणि पुन्हा खेळायला मैदानात उभा राहिला.

राकेश रोशन यांनाही एक प्रकारचा घशाचा कर्करोग झाला होता. पण वेळीच उपचार मिळाल्याने ते या आजारातून बाहेर आले आहेत.

मनीषा कोईरालानेदेखील कॅन्सरविरोधात यशस्वी लढाई करत या आजाराला परतवून लावलं.

1981 मध्ये संजय दत्तची आई आणि बॉलिवूडच्या प्रसिद्ध अभिनेत्री नर्गिस यांनी जगाचा निरोप घेतला. त्यांना पॅनक्रियाटिक कॅन्सर होता. ज्यामुळे त्या बराच काळ हॉस्पिटलमध्ये होत्या.

ऋषी कपूर, इरफान खान आणि अशा आणखी काही अभिनेत्यांची फाईट मात्र अयशस्वी ठरली. ऋषी कपूर यांचं याच वर्षी एप्रिलमध्ये कॅन्सरमुळे निधन झालं.

बॉलिवूडचा प्रसिद्ध अभिनेता इरफान खाननं त्यापूर्वी काही दिवस सर्वांचा निरोप घेतला. न्यूरोइंडोक्राइन या कॅन्सरनं तो मागच्या 2 वर्षांपासून आजारी होता. 2018 मध्ये त्याला या कॅन्सरचं निदान झालं होतं.

2017 मध्ये दिग्गज अभिनेता विनोद खन्ना यांचं वयाच्या 70 व्या वर्षी निधन झालं होतं. विनोद खन्ना यांना ब्लड कॅन्सर होता. ज्यामुळे ते बराच काळ रुग्णालयात उपचार घेत होते.

एकेकाळचे बॉलिवूड सुपरस्टार राजेश खन्ना सुद्धा कॅन्सरची लढाई हारले होते. बराच काळ कॅन्सरशी झुंज दिल्यानंतर त्यांनी 2012 मध्ये आपल्या घरीच अखेरचा श्वास घेतला होता.

बॉलिवूड अभिनेता फिरोज खान यांचंही कॅन्सरमुळेच निधन झालं होतं. 2009 मध्ये वयाच्या 69 व्या वर्षी त्यांचं कॅन्सरमुळे निधन झालं होतं.

अभिनेत्री डिंपल कपाडिया यांची बहीण सिंपल यांचंही कॅन्सरमुळे निधन झालं होतं. 3 वर्ष कॅन्सरशी लढल्यानंतर त्यांनी 2009 मध्ये वयाच्या 51 व्या वर्षी जगाचा निरोप घेतला होता.