समंथा प्रभूने नागा चैतन्यसोबत शेवटचा संबंधही संपवला, उचललं मोठं पाऊल

साऊथ सिने इंडस्ट्रीमधील पॉवरकपल म्हणून समंथा रुथ प्रभू आणि नागा चैतन्य यांना ओळखलं जात होतं. या दोघांना प्रचंड पसंत केलं जात होतं.

परंतु गेल्यावर्षी या दोघांमध्ये काहीतरी बिनसल्याच्या सतत चर्चा सुरु होत्या. दरम्यान या दोघांनी स्वतः सोशल मीडियाद्वारे आपण विभक्त होत असल्याची माहिती दिली होती.

मात्र यांच्या घटस्फोटाने चाहत्यांना धक्का बसला होता. चाहते निराश झाले होते. त्यांनी पुन्हा एकत्र येण्याची अपेक्षा केली जात होती.

परंतु आता सर्व अपेक्षा संपल्याचं दिसत आहे, कारण समंथाने नागा चैतन्यला आपल्या इन्स्टाग्राम अकाऊंटवर अनफॉलो केलेलं आहे.

काही दिवसांपूर्वी समंथाने आपल्या इन्स्टावरून नागा चैतन्यसोबतच्या आपल्या सर्व पोस्ट डिलीट केल्या होत्या.

तसेच घटस्फोटाच्या आधीच अभिनेत्रीने आपल्या नावासमोरून पतीचं आडनाव हटवलं होतं.

मीडिया रिपोर्टनुसार नुकतंच समंथाने अख्किनेनी कुटुंबाकडून लग्नात भेट मिळालेली महागडी साडीसुद्धा परत केली होती.

समंथा आणि नागा चैतन्यने 4 वर्षाच्या संसारानंतर घटस्फोटाचा निर्णय घेऊन सर्वांनाच धक्का दिला होता.