बॅड बॉय सलमान खानकडून 'या' गोष्टी आहेत शिकण्यासारख्या, कधी पुरग्रस्त तर कधी दुष्काळग्रस्तांच्या मदतीला धावला

बॉलिवूडमधील लोकप्रिय अभिनेत्यापैकी एक अभिनेता म्हणजे सलमाना खान होय. सलमान खानची खरं तर वेगळी ओळख करून द्यायची गरज नाही. वाद आणि सलमना हे खरं जुनं समीकरण आहे. म्हणून तर त्या बॅड बॉय म्हणून ओळखतात. याला कारणही तसंच आहे. कधी हिट अॅण्ड रन केस तर कधी काळवीट शिकार प्रकरण अशा कोणत्या कोणत्या कारणामुळं सलमाना चर्चेत असतो. पण हा सलमानचा पास्ट आहे. बॅड बॉयची इमेज असलेला सलमानकडून मात्र काही गोष्टी खरचं शिकण्यासारख्या आहेत.

एखाद्या गोष्टीचे जसे फायदे असतात तसेच तोटे देखील असतात. माणसाचं देखील तसचं आहे, माणसाकडं गुण आणि अवगुण या दोन्ही गोष्टी असतात. आपण त्यापैकी काय घ्यायचं हा ज्याचा त्याचा प्रश्न आहे. सलमान खानकडून देखील काही गोष्टी शिकण्यासारख्या आहेत. त्याबद्दल आपण जाणून घेणार आहे.

सलमान खाननं 2007मध्ये 'बीईंग ह्यूमन' नावाची संस्था सुरू केली. त्या माध्यमातून तो तळागाळातल्या लोकांसाठी शिक्षण आणि आरोग्यसुविधा पुरवण्याचं काम करतोय. याबद्दलची माहिती या संस्थेच्या वेबसाईटवर देखील दिली आहे.

2013मध्ये 'बीईंग ह्यूमन' संस्थेनं राज्यातल्या बीड, उस्मानाबाद, जालना, औरंगाबाद आणि नांदेड या 5 जिल्ह्यांमध्ये 2000 लीटर क्षमता असलेल्या 2500 पाण्याच्या टँकचं वाटप केलं होतं. असं असलं तरी, सलमाननं त्याच्या या सामाजिक कामाचा वापर त्याच्याविरोधातील गुन्ह्याच्या खटल्यांमधून बाहेर पडण्यासाठी केला, असा आरोपही त्याच्यावर वारंवार करण्यात

सलमान खाननं अनेक कलाकारांना बॉलीवूडमध्ये ब्रेक दिला आहे. यामध्ये संगीतकार हिमेश रेशमिया, अभिनेता सूरज पांचोली, अथिया शेट्टी, सोनाक्षी सिन्हा, झरीन खान यांचा आहे. बॉलिवूडमध्ये एक सिनेमा मिळवण्यासाठी खूप मेहनत करावी लागते मात्र सलमान खान नेहमीच नवीन कलाकारांच्या पाठीमागं उभं राहताना दिसतो. याबाबत त्याचं कौतुक करावं तेवढं थोडं आहे.

सलमान खाननं चित्रपट क्षेत्रात बॉडी बिल्डिंगचा ट्रेंड सुरू केला. त्याच्या फिटनेसचं कौतुक कराव तेवढं थोडं आहे. अनेक कलाकारांना त्यांने याबद्दल मार्गदर्शन केलं आहे. आमिर खान, अर्जुन कपूर, रणबीर कपूर यांना देखील त्यांने बॉडी बिल्डिंगबद्दल मार्गदर्शन केलं आहे. केवळ अर्जुन कपूरच नाही, तर सोनाक्षी सिन्हा, वरुण धवन यांनाही सलमान खाननंच वर्क आऊटसाठी मदत केली होती.

केवळ अर्जुन कपूरच नाही, तर वरुण धवनलाही सलमान खाननंच वर्क आऊटसाठी मदत केली होती.

महाराष्ट्रात 2019 वर्षी झालेल्या अतिवृष्टीचा कोल्हापूर, सातारा आणि सागंली जिल्ह्यातील नागरिकांना मोठ्या संकाटाचा सामना करावा लागला होता. तसेच अनेक गाव पाण्याखाली गेले होते. त्यामुळे कोल्हापूर, सांगली आणि सातारा जिल्ह्यात राहणाऱ्या नागरिकांचे मोठ्या प्रमाणात नुकसान झाले होते.

कोल्हापूर येथील पुरग्रस्तांना सलमान खानकडून मदतीचा हात देण्यात आला आहे. सलमान खानची चित्रपट निर्मिती संस्था सलमान खान फिल्मस् आणि गुरुग्राम येथील एलान फाऊंडेशन या 2 संस्थांनी मिळून खिद्रापूर गाव दत्तक घेतले आहे. या संस्था येथील पुरात वाहून गेलेली घर पुन्हा बांधून देणार आहेत.

राज्य सरकार आणि गुंतवणूकदारांच्या सहकार्याने ही कामे करण्यात येणार आहेत. या योजनेसाठी कोल्हापूर जिल्हा परिषद आणि महाराष्ट्र शासन यांच्यासोबत एलान फाऊंडेशनने करारही केला आहे.