'रिलेशनशिपमध्ये चीटिंग ते डोक्यात बाटली फोडने' सलमान खानची एक्स गर्लफ्रेंड सोमी अलीने केले होते धक्कादायक खुलासे

बॉलिवूड अभिनेत्री आणि सलमान खानची एक्स गर्लफ्रेंड सोमी अलीनं नेहमीच काही ना काही चकित करणारे खुलासे केले आहेत. तिने अनेक वेळा सलमान खानवर धोका दिल्याचे आणि छळ केल्याचे आरोपदेखील लावले आहेत.

केआरके अर्थातच कमाल रशीद खानच्या ट्विट नंतर सोमी अलीच्या जुन्या मुलाखती पुन्हा एकदा चर्चेत आल्या आहेत. या मुलाखतींमध्ये सोमीने आपल्या रिलेशनशिपबद्दल आणि आयुष्याबद्दल अनेक गोष्टी सांगितल्या आहेत.

एका मुलाखतीमध्ये सोमी अलीने सलमान खानची एक्स गर्लफ्रेंड ऐश्वर्या रॉयची स्तुती केली होती. याबाबत बोलताना तिनं म्हटलं होतं, कि तिला ऐश्वर्याचा हेवा वाटतो कि ती एकमेव अभिनेत्री असेल जिने रिलेशनशिपमध्ये होणाऱ्या छळाविरुद्ध आवाज उठवला. आणि तक्रारसुद्धा नोंदवली. त्यामुळे मला तिचा फार आदर आहे.

एका मुलाखती दरम्यान सोमीनं म्हटलं आहे. की सलमान आणि तिला विभक्त होऊन तब्बल 20 वर्षांचा काळ लोटला आहे. आम्ही दोघेही आपापल्या आयुष्यात पुढे निघून गेलो आहोत. मात्र आम्ही नात्यात असताना सलमान मला धोका देत होता. त्यामुळे मी त्याच्यापासून विभक्त झाले होते. असा खळबळजनक दावा तिने केला होता.

सोमीनं वयाच्या सोळाव्या वर्षी सलमान खानचा ‘मैने प्यार किया’ (maine pyar kiya) हा चित्रपट पहिला होता. आणि त्यांनतर ती सलमानच्या प्रेमात पडली होती. तिला सलमान खानसोबत लग्नं करायचं होतं. त्यामुळे ती भारतात यायची तयारी करू लागली. तिनं आपल्या आईलासुद्धा हे सांगितलं. मात्र तिनं आपल्या वडिलांना असं सांगितलं. भारतात असणाऱ्या आपल्या काही नातेवाईकांना भेटण्याची माझी इच्छा आहे. आणि त्यासाठी मी भारतात जात आहे, असंही ती सांगते.

भारतात आल्यानंतर सोमीनं काही मॉडलिंगचे प्रकल्प केले आणि काही चित्रपटसुद्धा केले. त्यानंतर काही दिवसांनी तिची सलमान सोबत भेट झाली. आणि त्यानंतर या दोघांच्यात प्रेम-प्रकरण सुरु झालं होतं. त्यावेळी सोमी केवळ 17 वर्षांची होती. सलमान आणि सोमी तब्बल 8 वर्षे नात्यात होते.

नवभारत टाईम्सला दिलेल्या मुलाखतीत तिनं आपल्या करिअरवर भाष्य केलं. त्यावेळी तिनं एक धक्कदायक खुलासा केला. ती म्हणाली, “जेव्हा मी पाच वर्षांची होते तेव्हा घरातील नोकरानं माझ्यासोबत तीन वेळा लैंगिक गैरवर्तणुक केली होती. त्यानंतर वयाच्या नवव्या वर्षी इमारतीच्या वॉचमननं माझ्यासोबत जबरदस्ती करण्याचा प्रयत्न केला होता. त्यावेळी मी पाकिस्तानात राहात होते.

नंतर आम्ही अमेरिकेत राहायला गेलो. एक विकसित देश असूनही तिथं महिलांवर अत्याचार होतात. वयाच्या 14व्या वर्षी एका 17 वर्षीय तरुणानं बागेत माझा बलात्कार केला होता. परंतु समाजाच्या भीतीनं ही गोष्ट मी लपवून ठेवली होती.”

सोमी अली ही सध्या चित्रपटांपासून दूर आहे. ती सध्या ‘नो मोअर टीअर्स’ या सामाजिक संस्थेशी संलग्नित आहे. सोमी या सामाजिक संस्थेसोबत लैंगिक शोषणाला बळी पडलेल्या महिला आणि मुलींना आधार देण्याचं काम करते.

सोमी अलीनं चुप, अग्निचक्र, आंदोलन, यार गद्दार, तिसरा कौन, अंत, आओ प्यार करे अशा चित्रपटांमध्ये अभिनय केला आहे. सलमान सोबत विभक्त झाल्यानंतर मात्र तिनं चित्रपटसृष्टीलाही रामराम ठोकला.