सई लोकूरचा मराठमोळा साज; पाहा अशी साजरी केली पहिली वटपौर्णिमा

हिंदू पंचांगानुसार ज्येष्ठ महिन्यात येणाऱ्या पौर्णिमेचा हा दिवस “वटपौर्णिमा” (Vat Purnima) म्हणून साजरा केला जातो. या पार्श्वभूमीवर आज वटपौर्णिमा साजरी केली जात आहे.

विवाहित महिला आपल्या पतीच्या दीर्घायुष्यासाठी हे व्रत करतात. मनोरंजनसृष्टीतील अनेक नामांकित अभिनेत्रींनी देखील मोठ्या उत्साहानं वटपौर्णिमा साजरी करत आहेत.

बिग बॉस मराठी या शोमधून नावारुपास आलेली अभिनेत्री सई लोकूर सुद्धा यंदा आपली पहिली वटपौर्मिणा साजरी करत आहे. त्या निमित्तानं तिनं काही खास फोटो शेअर केले आहेत.

या फोटोंमध्ये तिनं पारंपारिक वेश परिधान केला आहे. सईचे हे फोटो सध्या सोशल मीडियावर सर्वांचेच लक्ष वेधून घेत आहे. चाहत्यांनी तिच्या या सोज्वळ लुकवर कौतुकाचा वर्षाव केला आहे.

वटवृक्षाची पूजा करुन सावित्रीने आपला पती सत्यवान यांच्या प्राणाची रक्षा केली होती. या व्रतादरम्यान विवाहित स्त्रिया आपल्या पतीला उत्तम आरोग्य लाभावे, दीर्घायुष्य प्राप्त व्हावे म्हणून वडाच्या झाडाची पूजा करतात.