CSKचा ऋतुराज पडला सायली संजीवच्या प्रेमात? म्हणाला, ‘माझी विकेट फक्त...’

काहे दिया परदेस या मालिकेतून घराघरात पोहोचलेली सायली संजीव ही मराठी मनोरंजनसृष्टीतील एक लोकप्रिय अभिनेत्री म्हणून ओळखली जाते.

गेल्या काही काळात ती अभिनयासोबतच आपल्या खासगी आयुष्यामुळं देखील चर्चेत राहु लागली आहे.

अलिकडेच तिनं स्वत:चे काही ग्लॅमरस फोटो इन्स्टाग्रामवर शेअर केले होते.

या फोटोंवर चेन्नई सुपर किंगमधील ऋतुराज गायकवाड यानं देखील कॉमेंट केली होती.

सायली ही चेन्नईच्या टीमची फॅन आहे त्यामुळं तिनं देखील त्याच्या कॉमेंटवर प्रतिक्रिया देत त्याचे आभार मानले.

या प्रतिक्रियांमुळं दोघांमध्ये काहीतरी शिजतंय असा अशी चर्चा सोशल मीडियावर रंगू लागली.

ऋतुराज सायलीच्या प्रेमात पडला आहे की काय? अशी शंका चाहते घेऊ लागले.

अखेर त्यानं एक पोस्ट शेअर करुन या चर्चेला पूर्णविराम दिला आहे.

'माझी विकेट फक्त गोलंदाजच घेऊ शकतो आणि क्लिन बोल्ड सुद्धा. कुणाचं काय तर कुणाचं काय' अशी कॉमेंट करत त्यानं दोघांमध्ये काहीही सुरु नसल्याचं स्पष्ट केलं.

अर्थात त्याच्या या पोस्टवर चाहत्यांनी अद्याप पुर्णपणे विश्वास ठेवलेला नाही. कदाचित चर्चा टाळण्यासाठी त्यानं हा पवित्रा स्विकारला असावा अशीही शंका चाहते उपस्थित करत आहेत.