लग्नाच्या चौथ्याच दिवशी जिनिलिया म्हणाली होती हे नाही करू शकत; 10 वर्षांनी रितेशनं केला खुलासा

अभिनेता रितेश आणि जिनिलिया देशमुख आज त्यांच्या नात्याची 20 वर्ष आणि लग्नाची 10 वर्ष साजरी करत आहेत.

3 फेब्रुवारी 2012 साली दोघांनी लग्न केलं. देशमुखांच्या घरात जिनिलियाचं मोठ्या दणक्यात स्वागत करण्यात आलं होतं.

लग्नानंतर जिनिलिया पूर्णपणे महाराष्ट्रीय संस्कृतीमध्ये आली होती. तेव्हा लग्नाच्या काही दिवसांत जिनिलियाचा देशमुखांच्या घरात चांगलाच गोंधळ उडाला होता. लग्नाच्या तब्बल 10 वर्षांनी रितेशनंच याचा खुलासा केलाय.

दोघांचा वेड हा पहिला मराठी सिनेमा रिलीज झालाय. या सिनेमाच्या प्रमोशन दरम्यान एका मुलाखतीत रितेशनं 10 वर्षांपूर्वीची एक गंमत सांगितली.

लग्नानंतर जिनिलियासाठी देशमुखांचं घर नवीन होतं. तेव्हा तिला कोणीतरी नवीन घरी आल्यानंतर नव्या सुनेनं नववधू सारखं रहायचं असं सांगितलं.

त्यामुळे जिनिलिया लग्नाच्या दुसऱ्या दिवशीपासून छान साडी, दागिने नव्या नवरीप्रमाणे नटून बसायची.

2-3 दिवस जिनिलिया दररोज असं करायची. रितेश मात्र रोज हाफ पॅन्ट आणि टी- शर्टमध्ये वावरायचा.

पाचव्या दिवशी मात्र जिनिलियानं हात टेकले. मला हे नाही जमणार असं ती रितेशला म्हणाली.

जिनिलिया नेमकं काय म्हणतेय हे रितेशला कळलं नाही. तेव्हा नक्की काय जमणार नाही? असं रितेशनं विचारलं.

त्यावर, असं नववधूसारखं साड्या, दागिने घालून रोज बसणं मला नाही जमणार नाही, असं जिनिलिया म्हणाली.त्यावर रितेशला हसू आलं. तुला हे असं कोणी करायला सांगितलं असं रितेशनं तिला विचारलं.

मला वाटलं तुला असं राहणं आवडतंय म्हणून मी तुला काही बोललो नाही, असं रितेश म्हणाला.

त्यानंतर मात्रा पाचव्या दिवशीपासून ट्रॅक पॅन्ट आणि टी-शर्टमध्ये जिनिलिया देशमुखांच्या घरात वावरू लागली.