अजय देवगणच्या पुतण्यासोबत बॉलिवूड डेब्यू करणार रविना टंडनची लेक; लवकरच सुरु होणार शूटिंग

बॉलिवूडची 'मस्त मस्त गर्ल' रविना टंडनने आपल्या अभिनय आणि ग्लॅमरस अंदाजाने 90 चा काळ गाजवला आहे.

आजही रविना टंडन आपल्या फिटनेस आणि सौंदर्याच्या जोरावर चाहत्यांना घायाळ करते. आता अभिनेत्रीची मुलगी आपल्या अभिनयाची जादू पसरवण्यासाठी सज्ज झाली आहे.

मीडिया रिपोर्टसनुसार रविना टंडनची लेक राशा थडानी लवकरच बॉलिवूडमध्ये पदार्पण करणार आहे.

राशा प्रसिद्ध दिग्दर्शक अभिषेक कपूर यांच्या एका ऍक्शन ऍडव्हेंचर चित्रपटातून बॉलिवूड एन्ट्री करणार आहे.

विशेष म्हणजे या चित्रपटातून अजय देवगणचा पुतण्या अमन देवगणसुद्धा पदार्पण करणार आहे.

या चित्रपटात अजय देवगणसुद्धा महत्वाच्या भूमिकेत असणार आहे. चित्रपटाचं शूटिंग 2023 च्या उन्हाळ्यात सुरु होणार असल्याचं सांगितलं जात आहे.

रविना टंडनच्या लेकीबाबत सांगायचं तर राशाने नुकतंच आपलं शालेय शिक्षण पूर्ण केलं आहे.

शाळेतून बाहेर पडताच 17 वर्षांची राशी बॉलिवूड पदार्पणासाठी तयार आहे.