रश्मिकाने लहानपणी 'या' मराठी गाण्यावर धरला होता ठेका; म्हणाली, 'तेव्हाच माझी मराठी गाण्यांशी...'

रश्मिका लवकरच ‘झी चित्र गौरव पुरस्कार’मध्ये ती सहभागी होणार आहे.

इतकंच नाही तर या कार्यक्रमामध्ये ती लावणी ही सादर करणार आहे.

रश्मिकाचे मराठमोळ्या पारंपरिक वेशातील फोटो चाहत्यांना खूपच भावले आहेत. नथ आणि नऊवारी साडी मध्ये रश्मीकाचं सौंदर्य खुललं आहे.

रश्मिकाच्या मराठमोळ्या अंदाजाची सगळीकडेच चर्चा होत आहे. पण रश्मिका मंदाना आणि मराठी गाणी यांचं कनेक्शन खूप जुनं आहे, असं तिने नुकतंच सांगितलं.

‘राजश्री मराठी’ला दिलेल्या मुलाखतीत तिने तिचं आणि मराठी गाण्यांचं हे कनेक्शन उघड केलं. ती म्हणाली, 'मी लहानपणी ‘ऐका दाजीबा’ या गाण्यावर नाच केला होता. तेव्हाच माझी मराठी गाण्यांशी ओळख झाली.'

ती पुढे म्हणाली, 'त्यानंतर आता अनेक वर्षांनी लावणी सादर करत आहे. त्यामुळे या निमित्ताने माझ्या बालपणीच्या सगळ्या आठवणी परत जाग्या झाल्या आहेत आणि आता ही लावणी करण्यासाठी मी खूप उत्सुक आहे. कारण मी पहिल्यांदाच लावणी सादर करत आहे. मला आशा आहे की माझा हा नाच तुम्हा सर्वांना आवडेल.' असं ती म्हणाली.

रश्मिकाचा हा खुलासा ऐकून चाहते आश्चर्यचकित झाले आहेत.

रश्मिका पहिल्यांदाच मराठी गाण्यावर थिरताना दिसणार असल्याने सर्वजण तिला पाहण्यासाठी खूप उत्सुक आहेत.