‘गरोदर असताना माझ्यावर बलात्कार झाला’; प्रसिद्ध गायिकेचा धक्कादायक खुलासा

द पोकर फेस या गाण्यातून घराघरात पोहोचलेली लेडी गागा आज पाश्चिमात्य संगीतसृष्टीतील एक लोकप्रिय गायिका म्हणून ओळखली जाते.

गाण्यांसोबत लेडी गागा आपल्या वैयक्तिक आयुष्यामुळं देखील कायम चर्चेत असते. अलिकडेच तिनं ओपरा विन्फ्रेला दिलेल्या मुलाखतीत असाच धक्कादायक खुलासा केला.

ती 19 वर्षांची असताना एका प्रसिद्ध निर्मात्यानं तिच्यावर बलात्कार केला होता. शिवाय तिचा मानसिक आणि शारिरीक छळही केला होता.

लेडी गागा 19 वर्षांची असताना एका निर्मात्याकडे काम मागण्यासाठी गेली त्यावेळी त्यानं तिला तिचे कपडे काढायला सांगितले. परंतु गागानं त्यास नकार दिला.

लेडी गागाच्या नकारामुळं तो इतका संतापली की त्यानं तिला खाली पाडलं. तिचे कपडे फाडले आणि तिच्यावर बलात्कार केला.

बलात्कार केल्यानंतरही त्यानं तिला सोडलं नाही. त्यानं तिला त्याच्या ऑफिसमध्ये बंद केलं. आणि तिचा मानसिक आणि शारीरीक छळ केला. असा धक्कादायक अनुभव सांगितला.

“त्याच्यामुळं मी 19 व्या वर्षी गरोदर झाले होते. पण त्यानं माझा छळ करुन मला कोपऱ्यात फेकून दिलं. मी वेदनेमुळं तळमळत होते.” असाही अनुभव लेडी गागानं सांगितला.

लेडी गागानं बदनामीच्या भीतीमुळं त्याच्याबद्दल तक्रार केली नाही. शिवाय तो खूप श्रीमंत होता. पोलीसही त्याच्यावर कारवाई करु शकले नसते अशी भीती तिला वाटत होती.

या घटनेमुळे लेडी गागाला काही वर्ष मानसिक तणावाचा सामना करावा लागला होता.ती म्हणाली, “काही वर्ष मी खूप वेगळी मुलगी होते. माझ्यावर जेव्हा बलात्कार झाला त्यावेळी जाणवलेल्या वेदवा मला सतत जाणवत राहिल्या. मी खूप एमआयआर आणि स्कॅन केले पण डॉक्टरांना काहीच आढळून आलं नाही.”

लेडी गागा लवकरच ‘हाउस ऑऱ गूची’ या सिनेमात झळकणार आहे. या चित्रपटाच्या निमित्तानं तिनं ही मुलाखत दिली होती.