रानू मंडलवर पुन्हा आली स्टेशनवर गाण्याची वेळ? चाहत्यांवर रागावणं पडलं महागात

पश्चिम बंगालच्या रानाघाट स्टेशनवर गाणी गात स्वतःचं पोट भरणाऱ्या सोशल मीडिया सेन्सेशन रानू मंडल एका रात्रीत स्टार झाल्या होती.

बॉलिवूडचा प्रसिद्ध प्लेबॅक सिंगर हिमेश रेशमियानं त्या त्याच्या हॅप्पी हार्डी अँड हीर या सिनेमासाठी गाण्याची संधी दिली आणि त्या रातोरात प्रसिद्धीच्या झोतात आल्या.

पण सूत्रांनी दिलेल्या माहितीनुसार रानू मंडल यांना सध्या त्यांचं पूर्वीच जीवन जगावं लागत आहे. त्यांनी त्याच्या चाहत्यांना दिलेल्या वागणूकीचा हा परिणाम असल्याचंही बोललं जात आहे.

काही काळापूर्वी रानू मंडल यांनी एका चाहतीला सेल्फी न देता तिच्यावर रागावल्याचा व्हिडीओ व्हायरल झाला होता. ज्यामुळे त्यांच्यावर बरीच टीका झाली होती.

याशिवाय त्यांनी पत्रकारांकडेही अनेकदा दुर्लक्ष केलं होतं. याचाच फटका त्यांच्या स्टारडमला बसला आहे. त्यांच्याच उद्धट वागण्यामुळे त्यांच्या चाहत्यांनी त्यांच्याकडे पाठ फिरवल्याचं बोललं जात आहे.

हिमेश रेशमियानं दिलेल्या संधीमुळे रानू यांचं नशीब पालटलं. त्या त्यांच्या जुन्या घरातून नव्या घरात राहायला गेल्या. मात्र आता त्यांच्याकडे काहीही काम नाही त्यामुळे त्या मीडिया समोर येणंही टाळतात.